Sexta, 27 Abril 2018 | Login
Presidente AMP simu matan malirin husi lia-nain Ainaro Presidente AMP simu matan malirin husi lia-nain Ainaro

Naimori Prontu Responsabiliza Hena KORK Ne’ebé Tara ba Xanana ho Taur Featured

BOBONARU: Konselleiru Partidu KHUNTO, José dos Santos ‘Naimori’ Bucar, prontu atu responsabiliza rituál matak malirin ne’ebé halo ba Kay Rala Xanana Gusmão no Taur Matan Ruak.

Loron ida antes tama ba kampaña, Kay Rala Xanana Gusmão no Taur Matan Ruak simu tradisaun rituál matak malirin no tara tais ne’ebé hakerek Kmanek Oan Rai Klaran (KORK).

Responde ba kestaun ne’e, Naimori dehan, serimónia tara tais ne’ebé halo ba sira na’in rua ne’e nu'udar lideransa rezisténsia no mós eroi ba povu ho nasaun nian.

Eventu ne’e nu'udar serimónia kultura bainhira simu bainaka ruma, iha kostume ida katak tenke tara tais ba bainaka la’ós signifika lori lideransa nasionál na'in rua ne’e ba grupu organizasaun ruma.

“Ne’ebé ha'u hein de'it bainhira mak sira halo investigasaun. Maibé, ha'u sei buka sé mak lori ida ne’e ba keixa iha tribunál”, dehan liu mini kampaña, iha kampu futeból postu Administrativu Bobonaru, horisehik.

Nia dehan, bainhira iha eleisaun antesipada ne’e mak koligasaun AMP hetan vitória, nia sei buka tuir autór ne’ebé keixa kazu ne’e iha tribunál hodi kontinua prosesa kazu ne’e, tanba kazu ne’e rasik nu’udar difamasaun.

Nune’e, públiku mós preokupa katak iha loron 10 Abríl tinan ne’e, bainhira lider rezisténsia na'in rua ne’e to’o munisípiu Ainaru halo abertura kampaña AMP nian iha munisípiu Ainaru. Ne’e duni, iha serimónia rituál ne’e tara tais simbólika nu'udar kostume kultura timor nian bainhira simu bainaka, la’ós arte-marsiál nian.

Ho deklarasaun ne’e rasik Naimori rejeita totál deklarasaun sira ne’ebé espalla iha públiku katak lider rezisténsia Xanana Gusmão no Taur Matan Ruak mós envolve ona iha organizasaun arte-marsiál KORK.

Haree husi prespetiva lei, antes ne’e Presidente CNE Alcino Barris esklarese katak, iha lei eleitoral numeru 2/2016 regula de’it kona ba atributu simbolu rezisténsia, simblu estadu inklui konfesoens religioza ba intrese partidaria.

Tuir Barris katak, kuandu iha kampaña partidu balun uza atributu arte-marsiais ne’e kompeténsia F-FDTL no PNTL atu foti medida bazeia ba rezolusaun governu.

Bazeia ba rezolusaun Governu nian nuneru 5/2017 katak taka arte-marsiais, bandu atu la hetan atividade treinu husi arte-marsiais ho arte-ritual nomos ulitiza armas brankas.

Entretantu Vise Kordenadór Komisaun Judisiariu AMP, Tiago Sarmento klarifika, atividade rituál iha Ainaro loron 9 fulan-Abril foin lalais ne’e seidauk iha tempu kampaña.

Nia esplika, kampaña hahú iha loron 10 fulan-Abril, entretantu atividade ritual hala’o ona iha loron 9 fulan-Abril antes.

Tanba ne’e tuir Tiago dehan, hala’o serémonia arte-rituál ne’e normal bainhira la hamosu krime ruma ou fó ameasa ba ema ida.

Read 1184 times Last modified on Segunda, 16 Abril 2018 11:40
Rate this item
(0 votes)
AdBottom1