Tersa, 24 Jullu 2018 | Login
Veteranu sira partisipa iha selebrasaun loron nasional veteranus nian Veteranu sira partisipa iha selebrasaun loron nasional veteranus nian

Lere: Veteranu Sira sei Terus Featured

DILI: Xefe Estadu Maiór FALINTIL Forsa Defeza Timor-Leste (FFDTL), Majór Jenerál Lere Anan Timur hateten, veteranu barak agora sei terus tanba hahalok husi ukun na’in sira ne'ebé la hatudu morál hodi trata kondisaun sira nian ho dignu.

Nia dehan, terus ba ukun rasik-aan ne’e la hanesan. Balun terus natoon, balun terus liu. Ne'ebé labele dehan ema hotu iha Timor ne’e terus. Tanba, ema ne'ebé uluk moris susar agora mós kontinua susar nafatin. Buat sira ne’e hotu tanba kestaun sosiál.

Lere halo komparasaun iha tempu funu nia laran, bainhira hasoru malu ho inimigu se kilat ba malu, maibé depois ukun-aan bele hamosu rekonsiliasaun ba malu hodi haluha buat sira pasadu nian. Loloos Timor mós bele halo ida ne’e maibé tenke liu husi dalan justisa.

Eis gerrilleiru ne’e hato’o reasaun sira ne’e relasiona ho kazu balun ne'ebé akontese ba eis-veteranu Mausiak. Tanba, iha ema deskoñesidu balun lori pistola ameasa ninia kaben atu tiru. Ne’ebé loloos labele akontese.

Maibé hanesan ema veteranu Lere seidauk fiar loloos pistol ne’e tebes, tanba antes ne’e iha kazu seluk kona-ba pistola maibé kuandu halo investigasaun pistol ne’e brinkeiru. 

Read 50 times
Rate this item
(0 votes)