Domingu, 23 Setembru 2018 | Login
Primeira Reniaun Konsellu Ministrus lidera husi Primeiru Ministru Taur Matan Ruak Primeira Reniaun Konsellu Ministrus lidera husi Primeiru Ministru Taur Matan Ruak

Konsellu Ministrus Diskute Ona Programa no Orsamentu Featured

DILI:Governu Konstitusionál preokupa makaas kona-ba funsionamentu mákina Estadu nian ne’ebé to’o agora seidauk funsiona ho di’ak. Ne'e duni, Konsellu Ministru (KM) sei diskute programa no orsamentu atu tempu badak haruka ba Parlamentu Nasionál.

Hafoin simu pose ba dahuluk, governu hahú halo servisu makaas atu garante funsionamentu mákina Estadu nian atu bele lori dezenvolvimentu ba rai doben Timor Leste. Tanba ne’e, ninia prezensa iha Palásiu Prezidente ne’e atu garante ba Prezidente Repúblika kona-ba funsionamentu hirak ne’e.

“Ami servisu maka’as loos. Tan ne’e maka ohin ha’u mai atu garante ba Prezidente Repúblika katak ami haree hela kestaun kona-ba orsamentu no programa sira ne’e atu halo ba futuru”, dehan PM Taur, foin lalais ne’e.

Orsamentu duadesimu iha VIII Governu Konstitusionál sei la akontese tan. Governu preokupa loos tanba saláriu vensimentu ne’ebé tenke selu, inklui dívida balun ne’ebé tenke selu. Maibé obrigasaun tenke garante funsionamentu mákina Estadu ho di’ak.

Ne’e duni, semana ne’e Konsellu Ministru sei diskute orsamentu ba fulan Jullu no Agostu nian atu sustenta mákina Estadu iha fulan rua nia laran. Tanba prazu besik ona governu sei lori programa ba PN. Entretantu husi orsamentu sira ne’ebé sei falta bele kontinua iha fulan Outubru 2019.

PM Taur Hato’o Programa Governu ba MD

Primeiru Ministru, Taur Matan Ruak, iha enkontru konsellu Ministru sei fahe programa Governu VIII ba Ministru Defeza, Filomeno de Jesus Paixão, nune’e implementa iha ministériu defeza durante mandatu tinan lima.

Ministru Defeza, Filomeno de Jesus Paixão hateten, hasoru malu ho Primeiru Ministru hodi simu knaar hodi asume pasta Ministru Defeza, nune’e hato’o servisu ministériu nian iha enkontru Konsellu Ministru.

Nune’e, kona-ba planu loron 100, ministru sei estuda programa Governu ne’ebé sei estabelese iha Ministériu Defeza no mós instituisaun F-FDTL, nune’e propoin ba Konsellu Ministru hodi konsolida saida mak akontese iha F-FDTL atu implementa.

“Ha'u partisipa reuniaun Konsellu Ministru tenke rona mak barak liu programa Governu nian, inklui saida mak ha'u halo durante to’o fulan Dezembru tinan ne’e”, dehan Meno, iha Palásiu Governu, horisehik.

Nia hatutan, programa Governu ne’e rasik sei hato’o husi Xefe Governu hodi hato’o ba Ministériu Defeza hodi implementa servisu durante mandatu haknaar aan Ministru Defeza.

Nune’e, governante ne’e informa, bainhira simu programa sei trasa planu hodi hato’o iha Konsellu Ministru tuir mai tau orsamentu hodi haforsa servisu ministériu no mós instituisaun F-FDTL. 

Read 117 times Last modified on Kuarta, 11 Jullu 2018 14:03
Rate this item
(0 votes)