Kinta, 17 Agostu 2017 | Login
Edifisiu Ministeriu Saude Edifisiu Ministeriu Saude

Janeiru-Jullu Ministeriu Saude Haruka Pasiente 250 Trata Saúde iha Li'ur Featured

DILI: Governu liu husi Ministériu Saúde rekomenda pasiente hamutuk 250 ba halo tratamentu saúde iha ospitál rai liu hanesan Malázia, Indonézia no Singapura.

Diretór Nasionál Servisu Hospital no Emerjénsia, Horácio Sarmento hateten, ministériu saúde hahú husi Janeiru to’o Jullu haruka pasiente hamutuk 250, inklui pasiente veteranu na’in 16.

“Pasiente ne'ebé ba halo tratamentu iha rai li'ur maioria fase raan, moras rins, halo hemateropea, inklui operasaun ba fuan,” ”, dehan nia iha knaar fatin Kaikoli-Dili, horisehik.

Husi totál pasiente ne’e, maioria halo tratamentu iha Indonézia hamutuk pasiente na’in 147, iha Singapura 73 no Malázia 30.

Pasiente sira ne’ebé tratamentu saúde iha li'ur, na’in atus ida (100) maka fila ona, sira ne’ebé sei kontinua iha li'ur kontinua tratamentu fase raan, hemoterapea no kazu kankru anklonolojia, ne’e kada semana ida-rua tenke kontinua no fase raan.

Totál orsamentu ne’ebé ministériu saúde hasai ba pasiente ne'ebé halo tratamentu iha rai li'ur montante tokon $2.18. Nune’e, veteranu na’in 16 ne'ebé tratamentu iha li'ur ne’e finanseiru husi Ministériu Solidariedade Sosiál (MSS).

Transferénsia pasiente ba rai li'ur iha tinan ne’e nia gráfiku aas liu kompara ho tinan kotuk, ne’ebé haruka pasiente husi Janeiru to’o Dezembru maka 258.  

Read 190 times Last modified on Sexta, 11 Agostu 2017 15:42
Rate this item
(0 votes)
  • MidAd1
  • Heineken Klaran
AdBottom1