Domingu, 23 Setembru 2018 | Login
Gastao ho Marcos Gastao ho Marcos

Gastão-Marcos Sai Husi Lista, Husu Kandidatu Sira Seluk Rezigna Featured

DILI: Primeiru Ministru no Prezidente Repúblika hetan ona dalan balun hodi halo substituisaun ba lista membru governu ne’ebé problemátiku.

Husi totál lista kandidatu na’in 11 ne’ebé iha ema na’in rona maka nia naran hasai ona hanesan Gastão Sousa ne’ebé atu asume kargu Ministru Planeamentu no Investimentu Estratéjiku (MPIE) no Marcos da Cruz ho pasta Vise-Ministru Agrikultura no Peska.

Atualmente, pozisaun Gastão nian sei responsabiliza husi Xanana Gusmão no Marcos nian troka husi Rogério de Araújo Mendonça.

“Ami troka ona na’in rua ne’e… Maibé ami sei diskute nafatin ho Prezidente Repúblika ba iha etapa tuir mai”, dehan nia, iha Palásiu Prezidensiál, Bairru-Pité, horisehik.

Nia hatutan maski iha ona substituisaun maibé lista ba membru governu sira ne’e to’o agora seidauk simu pose. Tanba ne’e, Xefe Governu, Taur Mata Ruak, sei kontinua halo diskusaun ho Xefe Estadu atu hetan solusaun ba prosesu ne’e.

Kona-ba impase polítika iha rai laran, Taur dehan sei la akontese tanba Prezidente Repúblika, Governu, Parlamentu Nasionál no timoroan hotu-hotu iha kompromisu ida de’it atu hametin estabilidade no pás. Nune’e, dezenvolvimentu ekonómiku sosiál Timór sei la'o di'ak.

 

Read 189 times
Rate this item
(0 votes)