Tersa, 18 Dezembru 2018 | Login
Ministra Edukasaun, Juventude no Desportu, Dulce de Jesus Soares Ministra Edukasaun, Juventude no Desportu, Dulce de Jesus Soares

Estudante 644 La Pasa Ezame Nasionál Featured

DILI: Ministériu Edukasaun Juventude no Desportu (MEJD) ofisialmente anunsia rezultadu finál ba ezame nasionál nivel sekundária no primária nono anu ho totál estudante 47.325. Husi númeru ne’e, estudante 644 mak la pasa ezame.

Ministra Edukasaun, Juventude no Desportu,  Dulce de Jesus Soares, ofisialmente anunsia rezultadu finál bá ezame nasionál hateten, totál alunu na’in 47.325 mak rejistu atu tuir ezame nasionál.

Husi sira ne’e alunu na’in 45.400 tuir duni ezame nasionál, ne’ebé hanesan 95,93% husi alunu sira hotu ne’ebé rejista. Nune’e, na’in 1.925 ka 4.07% la tuir ezame. Taxa jerál aprovasaun nian mak 44.756 ka 98,6% no taxa reprovasaun 664 ka 1,4%.

Iha nivel eskola primária nono anu estudante na’in 30.291 maka rejistu atu tuir ezame finál. Husi sira ne’ebé rejista ba ezame iha nivel ne’e na’in 29,005 ka 95,8% no na’in 1.286 ka 4,2% mak la tuir ezame.

Nune’e, taxa aprovasaun bá ezame nasionál nono anu 98,7% no taxa reprovasaun 1,3%. Signifika alunu na’in 28.634 pasa no na’in 371 la pasa.

Iha nivel sekundária jerál, alunu na’in 17.034 mak rejista atu tuir ezame, no husi sira alunu na’in 16.395 ka 96,2% mak tuir ezame no na’in 634 ka 3,8% la tuir ezame.

Taxa aprovasaun ba ezame nasionál iha nivel sekundária jerál mak hamutuk na’in 16.121 ka 98,3% mak pasa no na’in 273 ka 1,7% la pasa.

Bá rezultadu ezame nasionál sei anunsia iha nivel munisípiu iha loron 7 Dezembru tinan ne’e.

 

Read 128 times
Rate this item
(0 votes)