Domingu, 23 Setembru 2018 | Login
Alcino Barris Alcino Barris

CNE hahú Ona Apuramentu Nasionál Featured

DILI: Sekretariadu Tékniku Administrasaun Eleitorál (STAE) hala'o ona kontajen buletin votu, hela maka diáspora iha Inglaterra, Irlanda, Koreia Norte no Portugál maka sei transporta hela.

STAE aprezenta ona ba Comissão Nacional Eleições (CNE) hodi halo apuramentu nasionál.

Prezidente CNE, Alcino Barris hatete, liu husi plenária foti desizaun hodi halo apuramentu nasionál hahú 15 Maiu, iha oras 08:00 ne'ebé sei kompleta durante oras 72 nia laran.

Oras ne’e, sira hahú simu ona urna sira husi rai laran no diáspora hamutuk hitu, husi Austrália hanesan Melburne ho Darwin. Nune'e, urna balun iha sentru votasaun Koreia Súl, Inglaterra ho Portugál daudaun ne’e sei prosesu viajen.

Tanba ne'e mak ami halo reuniaun atu halo antesipa aputramentu nasionál ba aban (ohin) sei halo iha CNE, ne'ebé hahú tuku 08:00 dadeer”, dehan Alcino, iha knaar fatin Kolmera-Dili, horisehik.

Tuir nia, sistema apuramentu CNE uza diferente ho STAE, iha ne'ebé sei sura mós votu hirak ne'ebé reklamadu bainhira fiskais partidu polítiku ho koligasaun sira kontesta.

Nune'e, posibilidade rezultadu husi partidu aliansa ho partidu individu bele aumenta, posibilidade mós redús tanba apuramentu nasionál ne’e sistema diferente.

Ne'e duni, CNE uza sistema dijitalizasaun D’hondt hodi haree atribuisaun ba votu liu husi apuramentu nasionál ne'ebé sei hala'o durante oras 72 nia laran.

Apuramentu nasionál termina bele fiksa hodi anunsia rezultadu provizóriu no entrega ba Tribunál Rekursu hodi halo apresiasaun, nune'e fila mai CNE halo validasaun no ikus liu publikasaun.

Tanba ne’e, CNE husu povu Timor-Leste kontinua asiste apuramentu nasionál ne'ebé hala'o hodi rona rezultadu ikus.

Read 559 times
Rate this item
(0 votes)