Tersa, 25 Jullu 2017 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2017-07-24&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Aviaun funu Amerika Aviaun funu Amerika

Aviaun Funu Amerika Tuun iha Dili Featured

DILI: Aviaun funu Forsa Aereo Amerika Boeing C-17 Globemaster III aterradu (tuun) iha Aeroportu Komoro-Dili, maizumenus tuku 10:26.

Boeing C-17 Globemaster III nu’udar aviaun boot militar. Aviaun ne’e evolusaun husi aviaun kargo rua militar hanesan Douglas C-74 Globemaster no Douglas C-124 Globemaster II.

Ho medida kargo 26,82m x 5,48m x 3,76m, aviaun ne’e bele lori "cargo pallets" hamutuk 18, forsa 144, soldadu parakerita 102, ka 48 "litters".

Kapasidade ne’ebé boot, C-17 bele lori material “imovel” forsa Estadu Unidade Amerika, inklui tanke da guerra M1 Abrams, M2/M3 Bradley, to’o elikpteru transport UH-60 Blackhawk haat ka elikopteru AH-64 Apache rua.

Aviaun hanesan, antes ne’e hatudu ona ninia funsaun hodi apoia funu konflitu iha Balkans, Afghanistaun, no Irake.

Tuir informasaun US Navy Seabees NMCB 3 mak mai hodi troka Batallaun NMCB 5 ne’ebe nia misaun remata ona.  Forsa NMCB 3 ne’e, tuir planu, sei ajuda halo eskola no Klinika iha Likisa no Maubara. US Navy Seabees nian presensa iha Timor dezde 2008 no misaun sempre troka malu kada fulan neen.

Entretantu, Xefe asuntu Publiku Konseleiru Imprensa, Edukasaun no Kultura, Embaixada Ameruka iha Timor-Leste, Scott Hartmann hatete, prezensa aviaun Forsa Amerika mai Timor laiha relasaun  ho tensaun politika entre Koreia Norte no Amerika, ne’ebe ameasa malu ho armas nuclear.

Nia hatutan, aviaun ne’e mai iha Timor tula sasan umanitaria nian, tanba durante ne’e koperasaun EUA ho Timor-Leste iha área edukasaun no agrikultura la’o di’ak tebes.

Tuir Scott, tensaun politika Amerika ho Peninsula Korea kontinua aas, maibe umanitaria ne’e la’o nafatin tanba Amerika hakarak kontinua nafatin hametin relasaun ne’ebe governu rua ne’e.

To’o bainhira aviaun Boeing C-17 Globemaster III hela iha Dili, konseleiru ne’e rasik la fiksa data klaru.

Entretantu, informasaun ne’ebé diariu ne’e rekolla husi pesoal balun iha aerportu katak, aviaun Forsa Amerika ne’e tula sasan hanesan, ai, kalen no besi, tanba sira hakarak ajuda Timor-Leste atu loke eskola foun ba labarik sira iha foho.

Prezensa aviaun Militar Amerika konsege halo populasaun sira hakfodak no tauk, tanba mai iha Dili, iha momentu tensaun politika entre Amerika ho Koreia Norte namanas hela. 

Read 16428 times
Rate this item
(13 votes)

About Author

  • MidAd1
  • Heineken Klaran
AdBottom1