Segunda, 24 Juñu 2019 | Login
Ilustrasaun artemarsial ataka malu Ilustrasaun artemarsial ataka malu

Arte-Marsiál Ataka Malu iha Baukau, Lima Kanek no Sunu Uma Haat Featured

DILI: Problema entre grupu arte-marsial mosu hikas fali ona. Iha Munisípiu Baukau ema na’in lima kanek no uma haat hetan sunu tanba tanba membru arte-marsiál ataka malu iha, Kuarta (9/1).

 

Iha grupu arte-marsiál rua Kera Sakti ho PSHT ataka malu iha semitériu ida no konsege halo kanek na’in lima, ne’ebé ba halo ona tratamentu iha ospitál no uma haat mak ahi han”, dehan Komandante Jerál PNTL, Júlio da Costa Hornai, iha Palásiu Prezidensiál Bairru-Pité, horisehik.

Nia dehan, polisia konsege to’o iha fatin akontesimentu maibé membru grupu arte-marsiál sira halai namkari no laiha ema ida mak atu sai sasin. Nune’e polisia sei nafatin iha terenu hodi rekolla informasaun atu kaptura suspeitu sira ne’e lori ba prosesu.

Nia hatutan, balun naran iha ona polisia hodi bolu sira atu halo investigasaun atu fó hatene sé-sá mak envolve iha problema, hodi lori ba prosesu investigasaun.

Tanba ne’e, maka problema sira ne’e hotu, Komandu nia pozisaun nafatin implementa lei númeru 5/2017 no kazu sira seluk lei la permite atu halo, komandu mantein hodi kombate.

Read 85 times
Rate this item
(0 votes)