Sábadu, 23 Setembru 2017 | Login
Aeroportu Internasional Suai Aeroportu Internasional Suai

Aeroportu Internasionál Suai Nakfila Ba Rai Fuik Featured

Suai: Aeroportu Internasionál Kay Rala Xanana Gusmão, Suai, foin inaugura iha loron 20 Juñu, maibé agora daudaun nakfilak sai rai fuik tanba laiha aviaun ida mak tun iha fatin ne’e.

Prezidente Partidu Libertasaun Populár (PLP), Taur Matan Ruak hateten, sira halo aeroportu internasionál, maibé koitadu povu nia uma sira ne’e ferrujen hotu ona no balun nian atu monu tan.

“Ha'u haree kasian fali governu. Ha’u ba vizita nasaun li'ur sira ne’e ema nian aeroportu internasionál liu de'it minutu aviaun ida tun no sa'e, maibé ita Timor nian imi tuur oras 24 mós nunka hetan aviaun ida mak tun, hetan de'it manu povu mak tun”, dehan nia, iha kampaña polítika ba dala 7, iha Postu Administrativu Mau-katar, Kovalima, horisehik.

Eis Prezidente Repúblika hateten, sira mós foin lalais dehan halo tiha mak hein aviaun. Maibé tuir nia, imposivel tanba bainhira halo obra ruma tenke iha planu serteza.

Estrada uluk sei nahe alkatraun, maibé iha tinan lima nia laran alkatraun sira laiha hotu kee tun-sa'e, maibé nunka atu metin. Iha fatin-fatin kee hotu de'it, jalan tol mós kee, falta komunidade nia uma mak la kee.

Maski rai ne’e Estadu nian hodi atu halo aeroportu internasionál, maibé sira atu hasai povu husi fatin ne’e hodi halo aeroportu tenke selu tanba Estadu mai husi povu.

Tanba sira iha osan halo uma andár no halo jalan tol, maibé laiha osan atu hadi'a estrada, bee-moos no eskola. Iha Dili de'it suku tolu mak iha bee, maibé restu bee laiha. 

Read 8865 times
Rate this item
(3 votes)
  • MidAd1
  • Heineken Klaran
AdBottom1