Tersa, 25 Jullu 2017 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2017-07-24&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Xanana Gusmao Xanana Gusmao

Xanana Husu Komunidade Besik Aeroportu Suai Sees-Aan Featured

SUAI: Komunidade afetadu husi konstrusaun Aeroportu Internasionál Comandante Em Chefe das FALINTIL Kay Rala Xanana Gusmão, iha Suai-Kovalima, hetan ona kompensasaun, tanba ne’e husu atu sira bele sees-aan husi área ne’e.

Ministru Planeamentu Investimentu no Estratéjiku (MPIE), Kay Rala Xanana Gusmão, apela ba komunidade afetadu sira labele husu demais kompensasaun, tanba ezije mak dezenvolvimentu sei la la’o.

“Ha'u haree Suai-oan iha ne’e joven, labarik, katuas no ferik sira lakon tempu barak liu iha ne’e atu husu sees uitoan. Ita ko'alia… Ko'alia tenke selu lai. Kuandu ita selu ganti rugi dezenvolvimentu sei la ba oin”, dehan nia, hafoin inaugurasaun Aeroportu Internasionál Comandante Em Chefe das FALINTIL Kay Rala Xanana Gusmão, iha Suai-Kovalima, horisehik.

Ne’e duni, eis gerrilleiru ne’e husu ba komunidade sira atu koopera ho Governu atu bele dezenvolvimentu la’o ba oin.

“Agora ita selu tiha mós ezije dehan seidauk to’o. Kuartu haat ona dehan ami nia família boot. Ne'ebé, kuartu haat la to’o aumenta tan rua halo neen,” tenik nia.

Aeroportu Internasionál Comandante Em Chefe das FALINTIL Kay Rala Xanana Gusmão, iha Suai-Kovalima ofisialmente inaugura husi Prezidente Repúblika, Francisco Guterres ‘Lú-Olo’, iha Tersa (20/6).

Konstrusaun aeroportu ho padraun internasionál ne’e gasta orsamentu hamutuk U$D 67.691.189. Obra ne’e rasik konstrui hahú 2014 no finaliza iha Fevereiru 2017.  

Read 2293 times
Rate this item
(0 votes)
  • MidAd1
  • Heineken Klaran
AdBottom1