Segunda, 10 Agostu 2020 | Login
×

Erro

An error occured during data fetch from google.com: Error calling GET https://www.googleapis.com/analytics/v3/data/ga?ids=ga%3A138150919&start-date=2017-01-15&end-date=2020-08-08&metrics=ga%3Avisits&dimensions=ga%3Ayear&start-index=1&max-results=1000: (403) Quota Error: profileId ga:138150919 has exceeded the daily request limit.
Komunidade observa hela ponte kotu iha Lomea, Suai Komunidade observa hela ponte kotu iha Lomea, Suai Foto: El-Niño Nolky Felicia (FB)

Ponte Lomea-Suai Kotu Featured

DILI: Ministru Obras Publika no Transporte Telekomunikasaun (MOPTK), Gastão Sousa rekoñese ponte Lomea ligasaun entre Postu Administrativu Suai no Zumalai kotu, tanba obra ne’e laiha protesaun.

Ministru Obras Públiku rekoñese impaktu husi ponte kontu ne’e tanba frakeza governu nian la halo protesaun. Tanba ne’e, udan boot lori impaktu ba ponte ne’e.

Husi akontesimentu ne’e, Gastão rasik fo ona orientasaun ba ninia ekipa hodi tun direita para bele rezolve uluk problema ne’e atu povu bele hetan asesu.

“Ita rezolve lai kondisaun agora para bele fó asesu ba povu, hafoin mak ita haree konstrusaun definitivu ba oin”, dehan nia, hafoin partisipa reuniaun Konsellu Ministru, horisehik.

Entretantu, Membru Parlamentu Nasionál Bankada FRETILIN, Manuel Gaspar liu husi plenária levanta katak kauza husi ponte kotu, transportasaun komunidade sira husi Zumalai ba Suai paradu totál.

“Tan ne’e ha’u husu ba Ministériu obras públiku (MOP) atu haruka ekipa servisu tun direita para bele lalais prevene kondisaun ponte ne'ebé grave”, tenik nia.

Iha loron 18 Jullu 2016 liubá, bainhira halo vizita ba Munisípiu Covalima, Primeiru Ministru, Rui Maria de Araújo, mós konsege observa ponte Lomea ho aviaun.

Ne’ebé iha momentu ne’ebá hahú reabilita husi Inspesaun-Jerál Estadu (IGE) koopera ho empreza estatál xineza konstrusaun sivíl nian (COVEC), maibé la to’o tinan ida, ponte Lomea aat fali ona.

Read 949 times
Rate this item
(1 Vote)