Segunda, 24 Juñu 2019 | Login
PM Rui Maria de Araujo PM Rui Maria de Araujo

PM Rui Vizita Sentru Kooperativa Susubeen Karau Auckland

AUCKLAND: Primeiru-Ministru Dr. Rui Maria de Araújo  hala’o vizita ba kooperativa produsaun susubeen karau nian iha Karaka, Auckland, Nova Zelándia.

Objetivu husi vizita ida ne’e atu hare rasik oinsá prosesu produsaun susubeen karau nia ho mákina modernu no hodi hatene mós sistema hakiak karau nian.

Nu’udar parte programa vizita ofisial, PM no delegasaun hasoru ho kompañia Fonterra, Nova Zelándia nian, ne'ebé koleta, maneja no komersializa produtu susubeen mai husi produtor susubeen sira.

Aleinde ne’e, kompañia mós partisipa iha programa alimentasaun eskola nian hodi fornese susubeen ba eskola sira iha Nova Zelándia.

Kompañia ne’e opera iha nasaun sira seluk hanesan nasaun viziñu Indonézia, Papua-Nova Guiné (PNG), no mós Sri Lanka.

Xefi Governu Rui hato’o katak, vizita ida ne’e hanesan oportunidade atu observa ho matan no mós hanoin kona-ba oinsá mak Timor-Leste iha futuru bele mós estabelese fabrika produsaun susubeen karau nian.

Vizita observasaun ne’e, asiste hosi, Espoza, Teresa Soares hamutuk ho Ministru Negosiadu Estranjeiru no Kooperasaun, Hernâni Coelho, Ministru Interiór, Longuinhos Monteiro, Embaixadór Timor-Leste ba Nova Zelándia, Cristiano da Costa. 

Read 477 times
Rate this item
(0 votes)