Kinta, 17 Janeiru 2019 | Login
Ponte aat Ponte aat

Komunidade Husu Governu Hadia Ponte 3 iha Fatuberlihu

MANUFAHI: Komunidade sira iha Postu Administraivu Fatuberlihu, Munisipiu Manufahi husu ba governu atu hadia ponte ne’ebé naksobu iha tinan 2016 liu ba.

Xefe Suku Klaku, Postu Administrativu Fatuberlihu Manuel Sarmento hatete, durante ne’e governu seidauk fó atensaun ba ponte 3 ne’ebé naksobu iha fulan Jullu tinan 2016.

“Agora boot sira mai vizita bebeik maibé nunka fó atensaun ba ponte ida ne’e,” deklara nia ba Jornalista sira iha Fatuberlihu, Sesta (27/01).

Iha fatin hanesan, Xefe SuIu interinu Suku Kaikasa, Agusto Amaral hatete, dutente ne’e komunidade sira hela iha ne’e tauk ba ponte tolu ne’e tanba kuandu tempu udan sira labele halo atividade tanba ponte tolu nia kondisaun la di’ak.

“Ha’u husu ba Mistériu kompetente atu bele rezolve lalais problema ida ne’e, tanba tempu barak ona komunidade sempre hetan afeita udan tama ba sira nia toos laran hodi estraga hotu sira-nia kintal,” hatete Agusto.

Hatan ba kestaun ne’e Diretór Obras Públika Manufahi Aniceto Andrade hatete, ponte 3 iha Fatuberlihu ne’e agora dadaun iha hela prosesu dezeñu hein de’it atu tun mai hodi hahú servisu.

“Informasaun ne’e klaru ona, kontratu ho dezeñu ne’ebé sira perpara iha diresaun nasional atu hatun mai,” dehan Diretòr Aniceto. 

Read 398 times Last modified on Segunda, 30 Janeiru 2017 13:12
Rate this item
(0 votes)