Domingu, 21 Outubru 2018 | Login
Sekretáriu Estadu Formasaun Profisionál no Empregu (SEFOPE) Julião da Silva simu vizita husi Ministra Negósiu Estranjeiru no Kooperasaun Australia, iha Sentru Treinamentu Tibar, loron 30 Jullu 2018. Sekretáriu Estadu Formasaun Profisionál no Empregu (SEFOPE) Julião da Silva simu vizita husi Ministra Negósiu Estranjeiru no Kooperasaun Australia, iha Sentru Treinamentu Tibar, loron 30 Jullu 2018. Foto: SEFOPE

Julie Bishop Vizita Sentru Treinamentu Tibar Featured

TIBAR:Sekretáriu Estadu Formasaun Profisionál no Empregu (SEFOPE) Julião da Silva simu vizita husi Ministra Negósiu Estranjeiru no Kooperasaun Australia, iha Sentru Treinamentu Tibar, loron 30 Jullu 2018.

Objetivu husi vizita ne’e hodi haree besik prosesu Formasaun Profisionál ba Juventude sira iha fatin ne’e.

Vizita Ministra Julia Bishop simu direitamente husi Sekretáriu Estadu Formasaun Profisionál no Empregu Julião da Silva.

Sekretáriu Estadu Julião hato’o nia agradesimentu ba Governu Australia ne’ebé durante ne’e fó sira nia apoiu makaas ba Governu Timor-Leste, liuliu Sekretária Estadu SEFOPE.

Durante ne’e Governu Australia fó sira nia apoia ba SEFOPE liuliu area Formasaun Profisionál no mós fó empregu sazonal ba Timoroan sira ne’ebé hala’o servisu iha Australia.

Formasaun Profisionál mak hanesan, fó formasaun iha area hospitalidade, Eletrisidade, manutensaun ba bee moos, hametin Sistema Informasaun Merkadu Traballu (LMI), hasa’e koñesimentu lingua inglés Juventude sira nian husi Governu Australian Northern Territory iha Sentru Treinamentu SENAI-Becora.

Alien de ne’e iha area Empregu nian Governu Australia iha komitmentu boot hodi aumenta tan númeru traballadór Timoroan ne’ebé atu hala’o servisu sazonal iha Australia, tanba Governu Australia halo avaliasaun ba komportamentu servisu traballadór Timor oan sira iha Austrália hatudu rezultadu ne’ebé di’ak tebes.

Sekretáriu Estadu SEFOPE salienta liu tan iha nia diskursu katak VIII Governu Konstitusionál iha komitmentu boot atu hasa’e kapasidade timór oan sira nian, hodi nune’e bele responde ba nesesidade merkadu traballu rai laran no mós rai li’ur, tan ne’e kooperasaun ne’ebé forte tebe-tebes entre Governu Australia ho Governu Timor-Leste liu husi apoiu ne’ebé Governu Australia Oferese ona ba Governu Timor-Leste iha area formasaun profisionál ba Timóroan sira.

Vizita Ministra Julie Isabel Bishop nian mai iha Sentru Treinamentu Tibar hanesan pasu ka sinál pozitivu ida nune’e Governu Australia sei kontinua apoiu maka’as Governu Timor-Leste espesiál iha area Formasaun no mós Empregu.

 

Read 847 times
Rate this item
(0 votes)