Kinta, 23 Maiu 2019 | Login
Jose Sarito Amaral

Jose Sarito Amaral

Email: Este endereço de email está sendo protegido de spambots. Você precisa do JavaScript ativado para vê-lo.

DILI: Prezidente Repúblika Francisco Guterres Lu Olo hato’o deklarasaun sátira ida ba governu ne’ebé konsidera to’o ohin loron seidauk konsege rezolve problema ne’ebé nasaun ne’e hasoru.

Problema kiak, dezempregu to’o produsaun kafé ne’ebé menus sai asuntu ne’ebé Prezidente Repúblika sita iha ninia mensajen ba loron restaurasaun independensia ba tinan 17 ne’ebé realiza iha palasiu prezidente Nicolau Lobato, Bairro-pite, Segunda (20/05).

Comment

DILI:Presidente Repúblika Fransisco Guterres Lú Olo konsidera liberdade la’os de’it hasa’e bandeira no kanta Hinu Nasionál. Hetan liberdade lolos katak sidadadaun hotu-hotu bele moris ho dignu.

Comment

DILI:Presidente Repúblika, Fransisco Guterres Lú Olo sei fó kondekorasaun ba veteranu sira hamutuk 25, iha loron ohin ba selebrasaun Restaurasaun Independénsia Timor-Leste ba dala-17, 20 Maiu 2019.

Xefe Estadu ne’e utiliza lia-fuan Nelson Mandela nian ne’ebé hateten katak (‘Nao há caminho fácil para a liberdade’) ‘Laiha dalan fásil ba Liberdade’, iha jantar kalan hamutuk ho veteranu no mártir sira, Palásiu Nobre Lahane, 19 Maiu 2019.

“Tanba ida ne’e duni mak ohin kalan, ita halibur hamutuk iha fatin ida ne’e, hodi ko’alia no koñese di’ak liután veteranu no mártir sira-nia kontribuisaun ba ita-nia luta libertasaun nasional, liuhusi sira rasik no família mártir sira-nian,”dehan PR iha nia introdusaun.

Liuhusi loron selebrasaun Restaurasaun Independénsia Timor-Leste, ho Estadu Timor-Leste nia naran, PR Lú Olo sei rekoñese no valoriza veteranu rua nulu resin lima ho Kolar ka Medalla Orden Timor-Leste ba sira-nia dedikasaun exklusiva ba luta libertasaun. Husi sira ne’e hotu, sanulu resin tolu fó-an tomak ba luta durante tinan rua nulu resin haat tuituir malu.

Infelismente, husi luta-na’in rua nulu resin lima husi lista agrasiadus ne’e, nain sanulu de’it mak sei nafatin iha ita-nia sorin: Somotxo Matar Mimiraka (kolaborador Xefe Estadu, 24 anus luta); Sabika Besi Kulit (Primeiru Komandante Rejiaun no Sekretáriu Rejiaun II, 24 anus luta); Lenicai, (Segundu Komandante Kompañia, 24 anus luta); Bere Du’u (Komandante Pelotaun, 24 anus luta); Serasa  (Komandante Pelotaun, 24 anus luta); Mau Wairia (Komandante Seksaun, 24 anus luta); Derak (soldadu, 24 anus luta); Funu Kiak (soldadu, 24 anus luta); Parli (soldadu, 24 anus luta); Atchatei (soldadu, 24 anus luta).

Husi sanulu resin lima mate ona, nain sanulu resin rua inimigu mak oho durante ita-nia luta libertasaun nasionál. Na’in tolu fila hikás ba Maromak Nia Kadunan Santu, hafoin ukun-an. Ho laran ksolok mak Xefe Estadu sei fó kondekorasaun ba saudozu sira mak hanesan, Kilik Wai Gae (Xefe Estadu Maior, mate iha guerrilla); Kaluwai (Kolaborador Xefe Estadu, mate iha guerrilla); Venâncio Ramos Amaral Ferraz (Komandante Rejiaun Haksolok, mate iha guerrilla); Ular Rihik (Primeiru Komandante Rejiaun IV, mate hafoin ita Ukun-an); Solep Solep (Adjuntu Polítiku-Militar Rejiaun III, mate iha guerrilla); Bi-doli-mau (Adjunta Polítiku-Militar Rejiaun III, mate iha guerrilla); Mausir (Komisáriu Polítiku, mate iha guerrilla); Lorsan (Adjuntu Polítiku-Militar, Rejiaun III, mate iha guerrilla); Lekas (Primeiru Komandante sexta Kompañia, Rejiaun Haksolok, mate iha guerrilla); Mer Sabala (Primeiru Komandante kinta Kompañia, Rejiaun Nakroman, mate iha guerrilla); Sama Lae (Primeiru Komandante Destakamentu Norte, Rejiaun Haksolok, mate iha guerrilla); Txaibada (Komandante Kompañia, mate iha guerrilla); Liter (Komandante Seksaun, mate hafoin ita ukun-an); Mahon (Assitente Rejiaun Polítiku-Militar, Rejiaun Haksolok); Mautino (soldadu, mate hafoin ita ukun-an).

“Imi sira ne’ebé hakoak mehi ukun-an, husik buat hotu-hotu. Imi husik imi-nia uma, imi-nia bein-estar no imi-nia família hodi hako’ak mehi koletivu ne’e. Imi-nia família sira simu imi-nia sakrifísiu ho ksolok no domin,"tuir komunukadu ne'ebe INDEPENDENTE simu.

“Kondekorasaun ne’e signifika katak Estadu rekoñese imi ida-idak ninia sakrifísiu no mós família nian. 
Imi ida-idak iha esperiénsia murak rasik, atu sura ba ida seluk no ba ami hotu-hotu, ba jerasaun ohinloron, liuliu ba ita-nia joven sira, atu hatutan ba jerasaun abanbairua”.

Comment

Sábadu, 18 Maiu 2019 11:05

Membru PSIK Treinadu Lori Kilat

DILI:Primeiru Ministru (PM), Taur Matan Ruak hatete, pedidu ba sosa kilat ba PSIK seidauk iha no atu halo desizaun hodi sosa karik desizaun ne’e sei deside iha Konsellu Ministru.

Hatan kona-ba membru PSIK sira bele utuliza kilat ne’ebé sei sosa ba sira, PM Taur dehan, PSIK treinadu atu lori kilat.

Comment

DILI: Dezastre Siklone ne’ebé akontese iha Austrália, semana kotuk, afeta makaas mós ba Timor-Leste. Husi akontesimentu ne’e rezulta ema na’in tolu mate iha área kosta súl no leste.

Vítima na’in tolu ne’ebé mate husi Munisípiu Lautem, Vikeke no Manufahi. Vítima iha Lautem tanba bee tama uma. Vikeke tanba ai hanehan uma, nune’e iha Manufahi mota maka lori. Akontesimentu ne’e mosu iha semana ida nia-laran.

Comment

DILI: Prezidente Repúblika (PR) Francisco Guterres Lú Olo preokupa ba informasaun falsu ne’ebé ohin loron buras iha media sosial, liu-liu Facebook. Tuir Xefe Estadu ne’e, ida ne’e sai hanesan risku boot ba demokrasia.

Prezidente Repúblika hato’o kestaun ne’e bainhira ensera konferensia internasional Dili Dialog Forum ne’ebé realiza iha Salaun Katedral Vila Verde, Sesta (10/05).

Comment

Tersa, 07 Maiu 2019 15:14

PJR Rejeita Autór Droga Halai

DILI: Ministériu Públiku rejeita informasaun ne’ebé espalla iha públiku katak deskonfia autór hatama droga, halai sai ona husi Timor-Leste. 

Prokuradór Jerál Repúblika (PJR), José da Costa Ximenes, rejeita informasaun ne’ebé espalla katak arguidu ba kazu hatama droga ho inisiál AXP halai sees ona husi Timor-Leste.

Comment

Segunda, 06 Maiu 2019 06:58

KI Husu Públiku Respeita Jornalista

DILI:Prezidente Konsellu Imprensa Virgílio da Silva Guterres husu públiku atu respeita knaar jornalista, nune'e bele garantia informasaun ba públiku ho di'ak.

Virgílio husu tanba dala ruma iha pesoál ka instituisaun estadu nian balun, seidauk komprende servisu jornalista nian, bainhira rekolla informasaun iha terrenu sei mosu dezintedimentu.

Comment

Segunda, 06 Maiu 2019 06:40

PM Taur Felisita Jornalista Sira

DILI:Primeiru Ministru (PM) Taur Matan Ruak felisita jornalista timoroan tomak, liga ho komemorasaun loron Liberdade Imprensa Mundiál ne’ebé monu iha loron 3 fulan Maiu.

‘‘Nu’udar Xefe Governu, hato’o ha’u-nia felisitasaun ba profisionais sira iha loron espesiál ida-ne’e, hodi fó-hanoin hikas katak, imprensa nu’udar mós pilár nasaun nian hodi promove no hametin demokrasia iha sosiedade nia leet’’, hateten Taur iha liu husi komunikadu.

Comment

Segunda, 15 Abril 2019 17:29

TIR La Merese Konsistente ba Autór

DILI: Bankada FRETILIN iha Parlamentu Nasionál konsidera la merese atu Tribunál Munisipál Dili (TMD) fó medida koasaun termu identidade rezidénsia (TIR) ba suspeitu droga.

Comment

Página 1 de 15