Sábadu, 16 Dezembru 2017 | Login
Roo Xina ilegal Roo Xina ilegal

Serve Deklara Kompañia Hong Long Halo Operasaun Ilegál Featured

DILI: Servisu Rejistrasaun Verifikasaun Emprezariál (SERVE) deklara, kompañia Hong Long Fishering hetan ona legalidade, maibé tuir loloos nia labele hala'o atividade peska tanba seidauk hetan lisensa operasionál husi Ministériu Agrikultura no Peska (MAP).

Vise-Diretora Superviziona SERVE, Ana Jeánnie Alexandra katak, kona-ba situasaun kompañia, SERVE iha koñesimentu, tanba hanesan kompañia ne’ebé mai rejistu no iha legalidade ba sira nia ezisténsia.

“Kompañia ne’e hala'o atividade iha área peska nian, maibé too ohin loron seidauk iha rekomendasaun husi ministériu relevante”, dehan nia, iha knaar fatin Matadouru-Dili, horisehik.

Tuir nia, SERVE nia regra kualkér kompañia halo atividade hanesan peska no atividade agríkola, maski hetan ona autorizasaun maibé tenke hetan uluk ninia lisensa operasionál husi ministériu kompetente foin bele halo nia atividade.

Nune’e, relasiona ho ida ne’e kompañia Hong Long Fisehering, Lda seidauk hetan rekomendasaun husi Ministériu Agrikultura no Peska (MAP), maibé tuir loloos nia labele halo atividade iha tasi laran hodi halo peska.

Antes ne’e, Governu Timor-Leste suspende ona lisensa ba ró xinés ne'ebé deskobre halo peska ba tubaraun iha tasi timoroan nian. Investigasaun hatudu katak empreza la kumpre kritériu legál.

Ministru Agrikultura ho Peska, Estanislau Aleixo da Silva hatete, informasaun husi Governu Indonézia, ró xinés sira ne’e komete hela irregularidade. Ne’ebé Governu Timor-Leste prende ona ró sira ne’e iha Karavela.

 

Read 504 times
Rate this item
(0 votes)
  • MidAd1
  • Heineken Klaran
AdBottom1