Print this page

Kazu 210 Pendente iha Tribunál Rekursu Featured

By Cristina Ximenes Novembru 26, 2018 6359
Prezidente Tribunál Rekursu (PTR), Deolindo dos Santos Prezidente Tribunál Rekursu (PTR), Deolindo dos Santos

DILI: Tribunál hasoru hela difikuldade boot atu prosesa kazu, husi totál kazu ne’ebé tama iha númeru 3.000 maka sei pendente iha primeira instánsia, kompostu husi kazu sivíl 1.000. Nune’e, iha Tribunál Rekursu rasik iha kazu hamutuk 210 maka seidauk prosesa.

Prezidente Tribunál Rekursu (PTR), Deolindo dos Santos hateten, kazu barak pendente hela iha primeira no segundu instansia tanba bainhira iha prosesu kazu tenke estuda didiak antes haruka ba rekursu, nune’e bele dura tempu naruk.

Razaun seluk maka, agora daudauk ne’e foin ba juis na’in lima, uluk na’in tolu de’it. Entaun Tribunál Rekursu akumula buat hotu, ne’e maka kauza ne’ebé pendente iha ne'ebá.

Nune’e, iha soru-mutu ho Prezidente Repúblika, Sesta (23/11|), informa kona-ba progresu servisu ne’ebé la’o iha Tribunál.

Iha reuniaun ne’e, hato’o mós kona-ba servisu sira seluk Tribunál nia ezekusaun orsamentu ne’ebé la’o agora daudauk orsamentu 2018. Ezekusaun OJE 2018 ba Tribunál nian atinji ona 94% no hela de’it 4%.

Ba OJE 2019 nian Tribunál prevé orsamentu balun atu kria tan kondisaun balun ba servisu iha área Tribunál nian atu bele avansa servisu ho lalais.

Rate this item
(0 votes)