Sidadaun Uza Rai no Uma Estadu sei Selu Taxa Featured

By Artur da Luz Marsu 12, 2019 9166
Ministru Justisa, Manuel Carceres. FOTO: www.mj.gov.tl Ministru Justisa, Manuel Carceres. FOTO: www.mj.gov.tl

DILI: Governu liu husi enkontru interministerial planeia ona atu aplika taxa ba sidadaun hirak ne’ebé uza rai no uma estadu nian.

Ministru Justisa Manuel Carceres informa katak, sidadaun sira ne'ebé utuliza patrimoniu estadu, liu-liu rai no uma estadu sei hetan kontoru husi Ministériu Justisa.

Atu implementa programa ne’e, nia dehan, MJ planu ona atu kria portal hodi asesu no identifika patrimoniu estadu ne'ebé sidadaun utiliza no iha tempu badak sei selu taxa ba estadu tuir ninia kondisaun.

“Dadaun ne'e rai ho uma estadu nian barak populasaun sira privatiza hotu,” deklara Ministru Manuel ba jornalista sira, iha Palásiu Governu Dili, Sesta (8/3).

Nia hatete, governu sei koordena ho banku atu loke konta bankaria nune'e populasaun ne'ebé uza sasán estadu, liu-liu uma ho rai, kada fulan tenke halo arendamentu ba estadu tuir medidas ne'ebé sei fó.

Kona-ba valor arendamentu, Ministru ne’e seidauk fó sai, maske nune’e nia hatete de’it katak iha tempu badak ekipa MJ sei halo levantamentu dadus hafoin sei públika.

Rate this item
(1 Vote)
Last modified on Tersa, 12 Marsu 2019 10:12

Independente Digital TV