Domingu, 21 Outubru 2018 | Login
Alkatiri Alkatiri

Posibilidade PM Alkatiri Falta iha Deskusaun Programa Daruak Featured

DILI: Reuniaun Konsellu Ministru (KM) aprova ona programa Governu anotadu. Ne’e duni, tempu badak hein desizaun husi Parlamentu Nasionál atu aprezenta hodi hataan ezijénsia deputadu sira.

Sekretáriu Estadu Konsellu Ministru no Komunikasaun Sosiál, Matias Freitas Boavida hatete, Konsellu Ministru aprova ona programa VII Governu anotadu, hein tempu badak PN bele ajenda hodi diskute.

Desizaun Konsellu Ministru nomeia Ministru Prezidensiál no Konsellu, Adriano do Nascimento ho Ministru Estadu Planu no Finansas, Rui Gomes, mak lori programa hodi aprezenta ba deputadu sira iha Parlamentu Nasionál.

Ho rezultadu ne’e, signifika Primeiru Ministru, Mari Alkatiri, la marka prezensa iha aprezentasaun programa daruak iha PN.

“Programa Governu ne’e Konsellu aprova ona. Nu'udar informasaun ba oin saida mak ami toma desizaun”, dehan Matias iha Palásiu Governu, horisehik.

Nia dehan, deputadu sira iha PN ne’ebá daudaun ne’e férias ona. Ne’e duni tinan foun mai Governu lori no aprezenta ona programa Governu hodi hataan sira nia preokupasaun.

Nune’e, reuniaun KM mós deside hodi delega membru Governu na’in rua mak aprezenta programa ne’e iha Parlamentu Nasionál, Ministru Prezidensiál no Konsellu Ministru, Adriano do Nascimento no mós Ministru Planu no Finansas, Rui Gomes. 

Read 655 times
Rate this item
(0 votes)