Items filtered by date: Kinta, 11 Jullu 2019

DILI: Governu liu husi, Sekretáriu Estadu Juventude no Desportu (SEJD), prepara ona múziku ba jogu Komunidade Nasaun Ko’alia Lian Portuges (CPLP) ho titulu ‘Unidos Somos Um’ ne’ebé sei hananu husi kantores Timor oan Maria Vitoria no Gerson Oliveira.

“Ami prepara ona múzika ba jogu CPLP nian  ho titulu ‘Unidos Somos Um’ signifika ita mai husi afrika, ou amerika latín  no azia maibé ita  ida de’it intermus linguajen kultura sempre iha ida de’it ba entidade luzofonia ne’ebé sei kanta husi kantor na’in rua, Marvi no Gerson, kompozitór ne’e Anito Matos,” dehan Sekretáriu Estadu SEJD, Nelio Isac Sarmento, iha Palasiu Governu, horisehik.

Nelio esplika, iha loron 19 fulan-Jullu agora Ministra Edukasaun Juventude no Desportu (MEJD), hamutuk ho nia delegasaun husi juventude kreativu na'in 9  no konsellu juventude sira.

Atu konfirma nasaun sira ne’ebé atu mai partisipa jogu ne’e, hein MEJD fila husi Luanda, maibé fiar katak nasaun CPLP sira hotu prontu atu partisipa iha eventu ne’e.

Jogu ne’e sei loke modalidade walu mak hanesan, bola tebe, taekwondo, xadres, karrate, tenis kampu, no basketeból. Prosesu rezistrasaun ne’e sei liu husi online, maibé sei hein aprovasaun husi Konsellu Ministru Angola .

Published in Nasional

Independente Digital TV