SEPFOPE, Ilídio Ximenes informa katak, akordu  Alemaña oferese liu hosi  Programa Asia Dezenvolvimentu Alemaña nia hodi haree ba problema dezempregu no setór turizmu.

Ilidio lori naran governu TL, hato’o agradese ba Governu Alemaña ninia laran di’ak fó apoiu ba governu no povu TL,

Ilídio mós informa katak, Timoroan barak liu –liu juventude lubuk ida iha munisípiu durante ne’e preokupa la hetan servisu no formasaun.

“Iha área rurais ita nia joven barak agora ita haree númeru dezempregu ne’ebé 11 persentajen tinan-tinan Universidade akaba sira ne’e atu ba iha ne’ebé tanba ne’e programa ne’e intersadu ba SEPFOPE no mós ba povu TL,”dehan SEPFOPE Ilídio da Costa Ximenes ba Jornalista iha Timor Plaza, Tersa(14/03).

Ilídio hatutan, Governu Alemaña iha kometimentu di’ak hodi servisu ho SEPFOPE atu fó tulun ba joven sira.

Akordu ne’e ho durasaun tinan 4 no hetan apoiu mós Komisaun Uniaun Europeia.

Iha fatin hanesan, Vice Presidente CCI-TL, João Alves  dehan akordu ne’ebé asina importante hodi dudu prosesu dezenvolvimentu iha TL.