Print this page

Aihan Liu-Prazu Barak iha Lojas Xineza Featured

By Ligia Noronha Abril 13, 2018 1282
Supermerkadu iha Dili Supermerkadu iha Dili

DILI:Produtu liu prazu ne’ebé Autóridade Inspesaun Fiskalizasaun Atividade Sanitária Alimentar (AIFAESA) rekolla iha tinan 2017 too 2018 iha loja no supermerkadu sei lori ba soe iha Tibar.

Diretór Operasionál Gabriel Oliveira hatete, atividade destroisun ne’e la’os foin mak halo iha tinan ida ne’e maibé iha tinan 2017 mós halo ona destroisaun nune’e mós 2018 mak foin atu halo iha tempu badak nia laran.

Nia dehan, produtu hirak ne’e prende maioria mai husi supermerkadu Xineza inklui mós loja kiik sira iha kapitál Dili.

“Ami sei halo destroisaun ba aihan ne’ebé durante ne’e rai hela iha armajen, aihan hirak ne’e ami rekoilha husi loja no supermekadu sira, aihan ne’ebé ami rekoilla ne’e razaun nia liu ona prazu,”dehan nia iha nia knaar fatin Matadoru Kinta (12/04).

Diretór ne’e dehan produtu ne’ebé atu halo destroisaun ne’e maioria bebidas, aihan snek inklui mós tabaku elektróniku no aihan hirak ne’e ho nia kuantidade ne’ebé la hanesan.

“Ami kuaze prende ona sasan barak ne’ebé ho ninia aitem ne’ebé la hanesan, aihan snek ami prende kuaze  ho nia kuantidade 1745 item, bebeidas dei’t nia iha aitem 994, susu been iha nia kuantidade 494 item, tabaku elektónika 105 aitem,”tenik nia.

 

Rate this item
(0 votes)