Kinta, 17 Janeiru 2019 | Login
Ekipamentus desportivas Ekipamentus desportivas

Juventude Tebabui Presiza Ekipamentu Desportu

BOBONARU: Juventude Husi suku Tebabui, Postu Administrativu Bobonaru, Munisípiu Bobonaru husu apoiu ba Sekretáriu Estadu Juventude no Desportu (SEJD) atu fornese ekipamentu desportivas nian ba sira tanba juventude sira iha talentu, maibé ekipamentu laiha.

Reprezentante juventude Domingos de Araújo hato’o preokupasaun ne’e durante diálogu ho  Xefe Estadu Taur Matan Ruak iha sede suku Tebabui, Tersa (07/02).

Nia deskreve talentu ne’ebé juventude sira husi suku refere iha mak hanesan maioria ho talentu desportu iha área futeból, voleiból no múzika.

Juventude sira husu ho haraik an ba Prezidente Repúblika atu atu hato’o hela sira nia lia halerik ne’e ba SEJD hodi dezenvolve sira nia talent ne’ebé iha.

Iha biban ne’e Xefe Estadu Taur Matan Ruak husu ba juventude sira atu formálmente haruka proposta ba SEJD deskreve hotu sira nia preokupasaun hirak ne’e.

Xefe Estadu mós husu ba juventude sira atu koopera ho autoridade lokál sira, nune’e proposta ne’ebé hatama ne’e, bele atende ho lalais.

Iha lia menon, Taur husu ba juventude sira atu organiza-aan no serbisu hamutuk bele dezenvolve aan.

Read 442 times
Rate this item
(0 votes)

About Author