Tersa, 15 Outubru 2019 | Login
Logo FFTL Logo FFTL

FFTL Prepara Jogadór Sub -18

DILI : Oras Ne’e daudaun, Federasaun Futeból Timor Leste (FFTL) prepara hela jogadór sub -18 hodi prepara an ba partisipa iha jogu internasionál sira.

Iha preparasaun ne’e hodi antesipa jogu sira ne’ebé sei akontese iha rai li'ur inklui reprezenta Timor Leste iha tempu oin mai.

“Ami sei preokupa ho atividade  internasionál, depois ami mós hanesan ema foun tenke partisipa iha organizasaun enkontru sira AFC no AFF ho FIFA. Tanba atu koñese katak, situasaun agora ami la’o hanesan ne’e, hodi hein preparasaun ba kongresu iha fulan hirak tuir mai. Ita nia kongresu bainhira kongresu FIFA hari, depois AFC halo tiha ninian sei mai iha AFF,” esplika Sekretáriu em Ezersísiu FFTL Nélio Isaac Sarmento ba INDEPENDENTE, iha Pallasu Governu, horisehik.

FFTL iha tarifa ba servisu, sekretáriu jerál nia responsavel ba administrasaun, komunikasaun internasionasionais ou halo ligasaun ho organizasaun futeból internasionál sira.

Maibé, téknikamente jogadór sira atu ba ne’e Prezidente em ezersisiu Osório Florindo ho Filomeno Fernandes mak hatene.

“Ha’u ne’e atu fasilita de’it dokumentu ne’ebé jogadór sira reprezenta atu ba joga iha rai liur ne’e”, realsa Nélio.

Oras ne’e daudaun FFTL mós preokupa tanba, tenke halo kontratu ba treinadór para fó treinu ba jogadór sira.

Tanba liu husi treinu mak halo selesaun ba jogadór ne’ebé tinan 18, depois manda sira nia dokumentus  ba AFC.     

Read 822 times
Rate this item
(0 votes)

About Author

MidAd1