Segunda, 24 Juñu 2019 | Login
Falsifikasaun Dokumentu Jogadór Desizaun Ezekutivu FFTL

Falsifikasaun Dokumentu Jogadór Desizaun Ezekutivu FFTL

DILI: Jogadór Brazileiru sira ne'ebé ofisial Federasaun Futeból Timor-Leste (FFTL) sira falsifika ninia dokumentu, nu'udar desizaun koletiva husi membru ezekutivu membru FFTL tomak.

Sekretáriu Jerál FFTL, Amândio de Araújo Sarmento hateten, jogadór sira ne'e bolu atu mai defende Timor-Leste nu'udar desizaun husi koletivu superiór FFTL nian tomak.

"Tuir loos vítima ne’e labele ha'u mesak, tanba hasai desizaun refere koletivu," dehan nia, iha Sional-Dili, horisehik.

Relasiona ho ninia hahalok, Asia Football Confederation hatún ona sansaun ba Amândio atu labele partisipa iha bola internasionál durante tinan sanulu resin-rua (12).

Maibé hafoin rona defeza husi Sekjen FFTL no Responsavel Dixiplina Étika Federasaun, Octavianos da Conceição, AFC hatún sansaun Amândio nian ba tinan tolu labele mete jogu internasionál.

Aleinde sansaun labele partisipa bola, FFTL mós hetan sansaun sei selu multa ho osan US$ 29.000 ba AFC, relasiona ho manipulasaun ne'ebé halo durante ne'e.

Iha fatin hanesan, Responsavel Dixiplina Étika Federasaun, Octavianos da Conceição hateten, AFC fó sansaun ba Timor-Leste la partisipa Asian Cup husi tinan 2017-2023. Maibé atividade sira seluk TL bele ba partisipa nafatin.

“Karik iha tinan kotuk ne’e mak ita lolos Asia Cup ba tinan 2019 mós AFC deskualifika ita tanba naturalizasaun jogadór sira ne’e,” dehan nia.

Nia hatutan, federasaun foti bolu jogadór internasionál ne’e desizaun mai husi ezekutivu. Maibé, Amândio hanesan ema ne’ebé iha responsabiliza ba administrativa hodi transfere dokumentu hirak ba AFC, entaun tuir artigu 61.1 Kódigu Ótika AFC nian ema ne’e mak responsabiliza.

Bainhira halo rekursu remata foin hateten ba AFC katak, prontu ona para hala’o responsabilidade tuir desizaun ne’ebé komité dixiplina AFC fó mai FFTL.

Kongresu iha Fulan-Abríl

Nune'e, FFTL deside ona sei hala’o Kongresu Nasionál iha fulan-Abríl tinan ne’e para atu hili estrutura foun.

Sekretáriu Jerál FFTL, Amândio de Araújo Sarmento hateten, atu halo kongresu nasionál tenke hein AFC, tanba Fevereiru agora sira sei halo kongresu, depois ne’e FFTL presiza komunika ba AFC no fó loron, mais tarde iha fulan-Abríl.

Iha fatin hanesan, Sekretáriu Estadu Juventude Desportu (SEJD), Leovigildo da Costa Hornai hateten, bainhira hala'o tiha kongresu Asia Football Confederation (AFC) iha fulan Fevereiru sei halo fali kongresu ba FFTL, iha fulan-Abríl.

Klube sira sei hetan direitu kuandu prienxe rekizitu halo rejistradu iha notariadu no afilia ba iha munisipál. Maibé sira tenke rejistradu iha FFTL bainhira atu halo prosesu kongresu ne’e.

Aleinde ne’e, Leovigildo dehan, pozisaun governu klaru sei la interfere direita ka indireta ba situasaun tomak ne’ebé FFTL hasoru, maibé tama hanesan fasilitador ba situasaun ne'e atu klarifika ba kestaun hirak ne’e. 

Read 536 times
Rate this item
(0 votes)