Tersa, 02 Juñu 2020 | Login

Items filtered by date: Kuarta, 01 Abril 2020

Kuarta, 01 Abril 2020 23:21

dr. Rui: Suspeitu Covid-19 Hamutuk 25

DILI:Sentru Integradu Jestaun Krize ne’ebé lideradu husi Primeiru Ministru Taur Matan Ruak informa, hahú husi fulan-fevereiru too agora Timor-Leste konsege resjista ona ema hamutuk na’in 25 sai suspeitu ba Coronavirus (Covid-19).

Reprejentante Sentru Integradu Jestaun Krize, dr. Rui Maria de Araujo informa liu husi konferensia imprensa hatete, ema ne’ebé ohin loron sai suspeita ba Coronavirus ne’e mai husi nasaun afetadu sira.

“Hahú husi fulan-Fevereiru mai too agora suspeita ba Covid-19 hamutuk na’in 25, husi númeru ne’e tuir analiza laboratóriu foin ema ida maka pozitivu, no na’in rua maka ita sei hein hela nia rejultadu teste laboratoriu, loron rua ka tolu hanesan ne’e sei fó sai,”dehan nia, liuhusi konferensia imprensa, iha CCD, horisehik.

Eis Ministru Saúde ne’e husu atu komunidade tomak labele fiar ba boatu sira ne’ebé espalla iha públiku katak, ema pozitivu ba Covid-19 barak ona.

”Ema pozitivu ba Covid-19 barak ona ne’e laloos,”dehan nia.

Bainhira fó sai rejultadu, nia dehan ekipa tekniku husi Ministériu Saúde sei informa mai iha Sentru Integradu Jestaun Krize hafoin halo anunsiu ba públiku.

Oras ne’e teste laboratoriu hala’o de’it iha rai laran, maka lori fali ba iha Autralia hodi konfirma fali nia rejultadu.

Ema hirak sai suspeitu ne’e Timor-oan ka ema estranjeiru ne’e konfidensial, importante maka públiku hatene katak ema ne’e sidadaun ida.

Alende ne’e Rui mós informa kondisaun saúde atual vitima pozitivu viruscorona ne’e kondisaun estavel ona, la hatudu ona sintomas.

Maibé atu livre no sai husi ospitál tenke halo fali teste laboratoriu dala rua ho tempu ne’ebé la hanesan. Kuandu hatudu negativu ona ema ne’e bele dehan livre ona husi virus ne’e.

Eis Primeiru Ministru ne’e husu ba komunidade, iha situasaun ne’e bainhira semak laiha nesesidade atu sai, di’ak liu hakmatek iha uma, karik atu sai tenke uza maskra, no tenke garantia ejiene pesoal katak tama sai tenke fase liman beibeik, liman labele ka’er ba matan, ibun, no inus, tanba meius sira ne’e bele transmite virus.

Published in Nasional
Kuarta, 01 Abril 2020 23:15

Tokon $14 Sosa Aimoruk Prevene Covid-19

DILI: Governu liu husi Konsellu Ministru deside prevee osan tokon U$14 dollar Amerika hodi sosa aimoruk hodi halo prevensaun ba Coronavirus (Covid-19) iha rai laran.

Published in Nasional

 

DILI:Tuir planu Ministériu Obras Publika (MOP) sei transfere pulsa eletrisidade $15 nian liuhusi SMS (Short Message Service).

SMS pulsa sei manda ba sim card telemovel konsumidór sira nian ba operadór Telekomunikasaun, hanesan Timor Telecom,Telemor no Telecomsel.

Tuir Ministru Obras Públiku (MOP), Salvador Eugenio Pires hatete,,dadaun deskute ona mekanizmu atu tranferensia pulsa. Eekipa teknika ko’alia ona ho operador tolu, hanesan timor-telecom, telemor telecomsel, hodi estabelese hotline ida.

“Hotline ne’e ita nia kliente sira, mensajen sei rejistu three part, automatikamente sira simu pulsa $15 ne’e, bele hatama ona ba kontadór iha uma,”dehan Ministru Salvador, iha CCD,(01/04).

Salvador esplika, intnesaun husi tranferensia pulsa eletrisidade ne’e atu bele redus propagasaun moras coronavirus, hodi nunee hamenus movimentasaun iha fatin públiku sira.

“Dekretu ne’e emerjénsia ba fulan ida, nunee sura rendimentu husu Eletrisidade de Timor-Leste (EDTL) nian hamutuk tokon $2.4,”tenik nia.

Nia dehan, pakote ne’e sura husi osan tokon $150 ne’ebé aprovadu. Total osan subsidiu ne’e mai husi rendimentu husi konsumdór sira ne’ebé durante ne’e sosa pulsa eletridade ba estadu.

Nia dehan, dadaun deskute no produs ona toke no estabelese ona hotline bele anunsia posivel no lais liu.

Published in Nasional

DILI: Xefe Estadu Maior Jenerál Lere Anan Timur rekoñese katak membru PNTL no F-FDTL ne’ebé haketak feen ho laen husi motor ida ne’e viola medidas estadu emerjénsia.

Published in Nasional

DILI: Deputadu Bankada Partidu Demokratiku (PD), Mariano Assanami Sabino propoin atu kua membru Parlamentu Nasionál no membru Governu sira nia salariu pursentu 50 (50%).

Published in Nasional

DILI:Presidente Camara Comersiu Industria Timor-Leste (CCI-TL), Oscar Lima husu Governu atu redus taxa importasaun aihan nian (nesesidade baziku) iha periodu estadu emerjénsia luta kontra viruscorona (Covid-19).

Emprejariu Timor-oan ne’ebé hamaha-an iha CCI-TL husu atu portu kontinua loke, redus birokrasia, no redus taxa ba importasaun aihan durante periodu emerjénsia, tanba situasaun afeita ba atividade negosiu rai laran.

“Ami ko’alia kona-ba importadór atu nunee hatama sasan mai labele iha difikuldade, sente prejudika ba birokrasia iha portu tanba atividade ekonomia tuun tebtebes,”dehan Presidente CCI-TL ne’e hafoin reuniaun ho Ministru Koordenador Asuntu Ekonomia Interinu Fidelis Leite Magalaês, iha salaun Gabinte Apoiu Sosiedade Sivil, Palasiu Governu,(31/03).

Presidente ne’e sujere atu portu Dili tenke loke atu sasan sira husi nasaun seluk bele tama no loja sira bele hatama nafatin aihan, tanba tuir nia katak estadu emerjénsia mak kontinua too fulan tolu bele provoka povu hamlaha.

Durante ne’e, taxa importasaun ba aihan pursentu 10 (10%), tanba ne’e CCI-TL sujere atu redus tan ou bele halakon temporariamente bainhira nesesaria iha periodu estadu emerjénsia.

“Buat ne’ebé ami hanoin hatoo ona oinsa bele haree kona ba taxa sei bele inzenta (halakon) tiha labele iha taxa, tanba ema paradu osan la lao, atividade laiha sei governu karega ho taxa defisil,”tenik nia.

Oscar Lima mós rekoñese katak situasaun atuál ne’ebé Timor-Leste infrenta dadaun laos responsabilidade ema ida nian (emprezariu no governu) maibé responsabilidade inkluzivamente kontribui atu kontra covid-19.

Published in Nasional