Items filtered by date: Sexta, 25 Maiu 2018

DILI:FRETILIN liu husi Sekretáriu Jerál, Mari Alkatiri afirma, prontu sai opozisaun hodi halo balansu ba VIII Governu Konstitusionál ne'ebé sei lidera husi entre Xanana Gusmão no Taur Matan Ruak.

DILI: Komandante Jerál Polísia Nasionál Timor Leste (PNTL), Komisáriu Júlio da Costa Hornay, husu ba povu tomak atu lalika ba fiar informasaun boatu kona-ba terrorizmu ne'ebé lansa husi média sosiál.

Nia dehan, informasaun hirak ne’ebé fó sai iha média sosiál ne’e falsu. Polísia konsege identifika sira ne’ebé soe hela informasaun ne’e, maibé sira hetan informasaun ne’e tutan fali hodi fahe tutan ba fali ba ema seluk.

DILI: Deputadu Bankada Partidu Demokrátiku (PD) hahú entrega ona karreta prado ba Sekretaria Konsellu Administrasaun Parlamentu Nasionál hodi halo jestasaun ba patrimóniu hirak ne’ebé fó ba deputadu sira uza halo servisu parlamentár nian.

DILI: Tribunál Rekursu (TR) ofisialmente proklama sai desizaun ba rekursu husi Partidu FRETILIN nian relasiona ho prosesu eleisaun antesipada foun lalais ne’e.

Tribunál deside hodi rekuza maioria husi rekursu ne’ebé partidu FRETILIN hatama. Maski nune’e, labele divulga sai konteúdu husi keixa ne’e ba públiku tanba konsidera konfidensiál.

DILI: Tribunál Distritál Dili (TDD) halo julgamentu dahuluk ba eis-Sekretáriu Estadu Arte Kultura (SEAK), Maria Isabel de Jesus Ximenes, tanba deskonfia utiliza osan Estadu nian hodi sosa ‘karreta privadu’.

Tuir akuzasaun husi Ministériu Públiku, arguida Maria Isabel Ximenes hanesan koordenadora jerál Expo Koreia iha tinan 2012, hetan nomesaun husi Ministru Turizmu Komérsiu no Indústria (MKIA), iha tempu ne'ebá Gil Alves.

DILI: Komandu Polisia Nasionál Timor-Leste (PNTL) Munisípiu Dili identifika ona suspeitu sira ne'ebé halo agresaun fíziku hasoru Oekusi-oan sira iha Tasi Tolu.

Iha ona informasaun kona-ba paradeiru suspeitu nian no hein rezultadu husi servisu ekipa ne'ebé komandu koloka ona.

DILI: Relasiona ho informasaun terrorizmu ne’ebé halo povu pániku Embaixada Indonézia iha Timor Leste prontu koopera hametin seguransa iha fronteira entre nasaun rua ne’e hodi evita infiltrasaun terrorista mai Timor-Leste.