Items filtered by date: Kinta, 28 Setembru 2017

DILI: Servisu Rejistrasaun Verifikasaun Emprezariál (SERVE) deklara, kompañia Hong Long Fishering hetan ona legalidade, maibé tuir loloos nia labele hala'o atividade peska tanba seidauk hetan lisensa operasionál husi Ministériu Agrikultura no Peska (MAP).

DILI: Desizaun Bankada Parlamentár hodi sosa tan karreta prado foun ba deputadu 65 hetan reasaun makaas husi Movimentu Universitáriu Timor-Leste (MUTL). Organizasaun ne’e kontinua kontra ho polítika despeza ne’e.

DILI: Membru Parlamentu Nasionál hakarak mantein nafatin Majór Jenerál Lere Anan Timur, hodi kontinua asume kargu Xefe Estadu Maiór Jenerál Forsa Armada (CEMFA) FALINTIL-Forsa Defeza Timor-Leste (F-FDTL), nune’e bele prepara didi'ak jerasaun foun sira antes entrega kargu importante ne’e.

DILI: Lia na'in husi lisan neen iha territóriu Timor tomak, Dili, Lautem, Ermera, Bobonaru, Oekusi no Manufahi hala’o ona serimónia kulturál ‘loke portaun’ hodi Primeiru Ministru, Mari Alkatiri, bele hakat ona ba Palasiu Governu laran.