Items filtered by date: Segunda, 17 Jullu 2017

DILI: Eleisaun lejizlativa Timor-Leste ne’ebé sei hala'o iha loron 22 Jullu 2017, sai nu’udar determinasaun ba futuru nasaun iha tinan lima oin mai. Tanba ne’e, partisipasaun povu importante tebes hodi bele kontribui ba futuru prosesu dezenvolvimentu.

Published in Nasional
Tersa, 18 Jullu 2017 08:41

Debate Partidu Polítiku La Efisiente

DILI: Debate públiku husi partidu polítiku sira ladún efisiente, tanba kuaze kompromisu polítiku ne’ebé lider partidu sira hato’o barak la relevante ho situasaun. Barak mak ko’alia liubá ideolojia.

Published in Politika

WAINHIRA-Ita hotu sei joven ita meh'i e nune hamutuk ho kulega ha’u nia gerasaun ami meh'i e sai fundador ba ASDT/FRETILIN iha 1974. Há’u horbainuluk (1974-1975) sai membro ativu ba lala’ok mehi libertasaun. Mehi ne’e sei metin ho revolusaun kravu nian ho rohan iha kapitaun Abril nian. Revolusaun ne’e, loke odamatan mai ita nasaun ida ne’ebé Portugal ukun hela, loke odamatan mai ita atu reklama ita nia direitu atu Ukun Rasik A’an.

Published in Opiniaun
Segunda, 17 Jullu 2017 10:01

Asanami: La-Sama Belun Povu Atoni

TUMIN: Prezidente Partidu Demokrátiku, Mariano Assanami Sabino husu ba povu rejiaun Oekusi atu kontinua hakmatek, pás no dame hodi hamutuk vota ba Partidu demokrátiku atu ukun iha períodu 2017-2022.

Published in Politika
Segunda, 17 Jullu 2017 09:54

PSD Hakarak Hakiik Estrutura Governasaun

DILI : Prezidente Partidu Sosiál Demokrata, José Gonçalves hatete bainhira PSD manan iha eleisaun parlamentár sei hakiik   estrutura  governu  ho alokasaun  orsamentu ne’ebé  sufisiente atu lori dezenvolvimentu ba povu  no rai ida ne’e.

Published in Politika

KELIKAI: Partidu Libertasaun Populár (PLP) promete muda polítika governasaun atual ba konstrusaun estrada ho sistema loke kuak, taka kuak bainhira kaer ukun iha períodu 2017-2022.

Prezidente PLP Taur Matan Ruak dehan durante tinan 15 partidu polítiku balun ukun,maibé laiha mudansa ba polítika iha setór infra-estrutura ne’ebé kontinua uza sistema loke kuak, taka kuak ho orsamentu boot, maibé laiha kualidade.

Taur dehan, Timor iha eleisaun ba dala-3, maibé saida mak akontese estrada at hanesan loos membru governu sira nia oin mak projetu kee kuak taka kuak no lori tan tahu ba taka estrada.

 Nia dehan, sira halo estrada no portu, maibé povu la gosta nafatin tanba povu husu ida sira fó fali ida.

“Aeroportu internasionál rua iha Suai no Oekusi , Primeiru Ministru dehan Suai nian atu tula mina entaun  Oekusi nia atu tula bee”, dehan nia liu husi komísiu polítika iha kampaña aberta munisípiu-Baukau, Sesta (14/07).

Atu muda sistema loke kuak taka kuak, Eis Prezidente ne’e dehan, bainhira lidera governu sei aloka OJE ba kada Munisípiu ho montante rihun $60.

Tanba, PLP hakarak halo dezenvolvimentu hahú husi baze tanba governasaun ida ne’e halo diskriminasaun ba Munisípiu sira.

 “PLP barani fó Munisípiu ida rihun $60 kada tinan ida no iha tinan lima nia laran fó rihun $300 ne’e ba munisípiu ida”, dehan nia.

Polítika PLP mak kada munisípiu 13 sei simu rihun $900 tanba sei Prezidente Repúblika promulga orsamentu hamutuk biliaun $8.5

“Gasta ba tinan lima nia laran halo buat ne’ebé sira gosta no gasta ba projetu sira ne’ebé imi la hatene osan ne’e sei fila fali mai ka lae?”, dehan nia.

Lalika Gaba Aan

Eis Prezidente Repúblika ne’e dehan, iha kampaña lejizlativa ne’e haree ema barak komesa mosu mai dehan nia mós halo funu.

“Ohin iha Timor ema balun gaba aan dehan nia mak funu maka’as ne’e bosok teen, uluk kuandu ita terus sira nia oin ita la haree no funu hotu sira mak halai uluk uluk ne’e sira moe laiha ukun tiha ita tee no mii tan ba ita nia leten”, dehan nia.

 “Tinan 15 sira hatama osan ba hotu sira nia bolsu ema ida la barani atu ko’alia ho sira maibé ohin sira hasoru ema ida bulak hanesan Matan Ruak ne’ebé barani fera sira iha ema barak nia oin”.

Tanba ne’e, nia dehan, tempu too ona povu timor labele dukur atu kontinua fó oportunidade ba ema sira ne’ebé hakarak uza oportunidade hodi hariku aan deit.

Hadau Bola Merah ho CNRT no FRETILIN

Taur dehan, PLP moris atu buka lia loos no justisa.

“Ita sei hadau malu bola merah ho partidu boot rua FRETILIN ho CNRT iha loron 22 Jullu ne’e, tanba PLP moris atu buka lia loos no buka justisa,” dehan Taur iha nia kampaña aberta iha Postu Administrasaun Venilale –Baukau.

PLP nu’udar partidu foun, maibé nia bele kompete ona hodi doko partidu boot rua ne’ebé ukun ona nasaun ida ne’e.

Iha fatin hanesan, Veteranu Antigu Kombatente Terra Bulak hateten, di'ak liu povu fó fiar no votu ba PLP  atu lori Taur Matan Ruak ba Primeiru Ministru VII  hodi fó moris di’ak ba povu TL.        

 Halo Uma ba Povu Kiak

Taur karik Povu fó fiar hodi ukun ba períodu ida ne’e sei hadi'a uma ba povu kbiit la’ek sira.

PLP manan sei halo uma estadu (perumahan) iha vila laran hodi fó ba povu kbiit laek sira hela, ba profesora sira hela, F-FDTL sira hela, maibé sira selu to’o hotu uma sai sira nia kusta ona.

“Inan Aman sira selu la hotu oan selu, oan selu la hotu bei oan selu, selu kotu uma ne’e sai ninian tiha”, dehan nia iha Postu Administrasaun Venilale.

Nia dehan daudaun ne’e, akontese iha Dili governu halimar halo eviksaun ba populasaun sira nia hela fatin.

Published in Politika

OEKUSI: Sekretáriu Jerál Partidu FRETILIN Mari Alkatiri hatete, partidu balun lakoi atu dezenvolvimentu iha Oekusi la’o di’ak.

Published in Politika
Segunda, 17 Jullu 2017 09:43

Organizasaun Doze-Doze Apoiu PD

NUNBEI: Membru Organizasaun Doze-Doze hamutuk ema 1008 husi suku 10 iha Oekusi  deklara sei fó votu konfiansa ba Partidu Demokrátiku para atu dudu dezenvolvimentu iha Oekusi.

Published in Politika
Segunda, 17 Jullu 2017 09:40

CNRT Hakarak Ukun Mesak

DILI: Prezidente partidu Congresso Nacional Reconstrução Timor-Leste (CNRT), Kay Rala Xanana Gusmão hateten, bainhira ninia partidu manan iha eleisaun hakarak kaer mesak governasaun hodi bele halo dezenvolvimentu ho intensivu liután.

Published in Politika
Segunda, 17 Jullu 2017 09:38

MAE Husu tan Osan Tokon $2 Ba Eleisaun

DILI: Tama ba eleisaun lejizlativa iha loron 22 Jullu, Ministru Administrasaun Estatál (MAE) rekomenda ba Governu liu husi Primeiru Ministru atu prevé tan orsamentu ho montante tokon rua dolar amerikanu, hodi aloka ba brigada sira iha munisípiu 13 ho rai li'ur.

Published in Nasional

Independente Digital TV

Tuir ami iha Twitter

Kalendariu Notisia

« July 2017 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31