Atu bele monta públisidade, kompaña ka individual tenke hetan lisensa husi autoridade sira.

Sekretariu Estadu MAE Samuel Mendonça dehan, Kinta (16/02) nudar loron ikus ba sosializasaun Dekretu Lei Públisidade nian.

“Dekretu lei ne’e ita sei hala’o (implementa) iha tempu badak. Dekretu Lei refere ita sei hala’o ba iha autoridade Munisipal Dili no mòs abrante ba autoridade munisipal tolu Baukau, Ermera no Bobonaro no mòs ba administrasaun munisipal sira iha teritoriu tomak,” dehan Samuel ba jornalista sira iha Administrasaun Munisipal Dili, Kaikoli, Kinta (16/02).

Nia dehan, Dekretu Lei ne’e nia dehan hala’o uluk iha Dili ho objetivu atu bele regula prosesu públisidade tomak iha Dili ne’ebè mak iha relasaun ho empreza no mòs individu sira ne’ebè hakarak konkore kona-ba prosesu públisidade.

“Komesa ohin, ita-nia Dekretu Lei ne’e husi PN aprova no haruka ba PR mòs promulga ona, ne’ebè ita tenke implementa atu nune’e Dili bele sai organizadu,” esplika Samuel.

Kona-ba publisidade boot ne’ebè sei kontinua monta ida dalan públiku, nia dehan, sei hasai hotu.