Print this page

Jornada da Pás Promove Unidade Ba Timor Oan Hotu Featured

By Cristina Ximenes Maiu 11, 2018 8270
Jornada da pas iha Dili ba eleisaun antesipada 2018 Jornada da pas iha Dili ba eleisaun antesipada 2018

DILI:  Komisaun Justisa no Pás Dioseze Dili ofisilamente organiza jornada da pás ne’ebé envolve lider partidu polítiku, sosiedade sivíl, relijiozu no relijioza, estudante inklui komunidade kapitál Dili.

Asaun jornada pás ne’ebé partisipa husi ema rihun nu’udar eventu importante  ne’ebé inisia husi Igreja Katólika koopera ho Estadu no partidu politikus ho objetivu atu manifesta no hamosu sentidu responsabilidade husi lideransa sira  atu promove hikas pás iha Timor-Leste  hafoin lider partidu politikus idak-idak durante fulan ida hato’o programa ba povu Timor-Leste.

 

Ba tinan ne’e, eventu jornada ba Pás hala’o husi fatin tolu mak hanesan  Rotunda Nicolau Lobato Komoro, Rotunda Hali Laran no Bekora ba konsentra hamutuk iha Jardín Largu Lesidere Dili.

Sekretáriu Prezidente Konferénsia Episkopál Timor-Leste, Padre Leandro Alves dehan jornada da pás la’ós foin mak halo’a, maibé iha eleisaun Prezidensiál no Parlamentár tinan kotuk realiza ona.

“Eventu ida ne’e atu hametin hikas ita nia unidade no ita nia responsabilidade atu hametin pás iha ita nia nasaun,” dehan Padre, Leandro iha diskursu Largu Lesidere Dili, Kinta (10/05).

Nia hatutan, mezmu iha kampaña politikus, lider sira insulta malu ho linguajen manas, maibé eventu jornada da pás mai atu hametin hikas lider no povu nia unidade.

“Ita nia moris ita aprende bei-beik buat foun iha ita nia moris biar estudu bar-barak no halo estudu boot, biar halo kna’ar mesak importante no boot, biar naran boot no tuur iha kadeira boot, maibé bainhira ita sei moris sei hasoru bei-beik situasaun foun ne’ebé nunka koko ne’ebé ita atu aprende nafatin buat di’ak,” nia afirma.

Iha fatin hanesan Reprezentante Igreja Protestante, Pastór Lourenço dos dos Santos husu ba lider partidu politikus no povu TL hametin nafatin pás no estabilidade iha Timor.

“Ha’u nia mensajen ba povu TL no mós ba sarani tomak iha TL primeiru tuir ita nia doutrina ne’ebé Jesus Kristu rasik hanorin ba ita no São Paulo mós hanorin ba ita hateten nune’e ba ita nia hato’o ba nia membru tomak iha tempu ne'ebá nia hateten, ha’u maka udan no imi maka sei rega imi maka sei hakiak no kuidadu povu TL rai doben TL ida hamriik tanba lideransa istórika sira nia luta ita hotu nia luta sira maka harii duni nasaun ida ne’e,” tenik nia.

Nia husu atu povu TL no partidu politikus hotu- hotu tenke simu rezultadu eleisaun iha 12 Maiu agora. Tanba ema hotu sei ba vota ho konsensa ho morál ne’ebé dignu nunka sala atu hili buat ruma ho konsensa atu hili partidu ne’ebé de’it kaer ukun hadi'a povu nia moris.

Entretantu Reprezentante Partidu Koligasaun Aliansa ba Progresu (AMP), Hélder  maun boot, Xanana, Taur no Naimori apela atu atu militante partidu AMP simu rezultadu votasaun.

“Ita mai iha ne’e ata fó liman ba malu mezmu eleisaun maka sei determina kona-ba rezultadu ita  hotu sei simu rezultadu ne’e,” nia informa.

Nia hatutan, povu TL hametin nafatin pás hodi hatudu ba nasaun seluk katak TL nia unidade maduru ona iha vida demokrasia sai ezemplu ba nasaun seluk.

Ne’e mós Reprezentante Partidu FRETILIN Matias Boavida hateten Igreja ninia esforsu tomak kontribui ba pás no Partidu FRETILIN mós kontinua kria pás iha nasaun ne’e.

“Ita mai iha fatin ida ne’e atu rona mensajen dame no pás iha TL,” nia hateten.

Entretantu Sekretáriu Jerál Partidu Demokrátiku, António da Conceição  apela ba militante PD hakmatek hodi kria pás.

Nia dehan, karik durante akompaña, lideransa PD ko’alia sala ruma, nia husu deskulpa ba povu TL tomak.

 

Rate this item
(0 votes)