DILI:Primeiru Ministru (PM), Taur Matan Ruak hatete, pedidu ba sosa kilat ba PSIK seidauk iha no atu halo desizaun hodi sosa karik desizaun ne’e sei deside iha Konsellu Ministru.

Hatan kona-ba membru PSIK sira bele utuliza kilat ne’ebé sei sosa ba sira, PM Taur dehan, PSIK treinadu atu lori kilat.

DILI: Dezastre Siklone ne’ebé akontese iha Austrália, semana kotuk, afeta makaas mós ba Timor-Leste. Husi akontesimentu ne’e rezulta ema na’in tolu mate iha área kosta súl no leste.

Vítima na’in tolu ne’ebé mate husi Munisípiu Lautem, Vikeke no Manufahi. Vítima iha Lautem tanba bee tama uma. Vikeke tanba ai hanehan uma, nune’e iha Manufahi mota maka lori. Akontesimentu ne’e mosu iha semana ida nia-laran.

DILI: Prezidente Repúblika (PR) Francisco Guterres Lú Olo preokupa ba informasaun falsu ne’ebé ohin loron buras iha media sosial, liu-liu Facebook. Tuir Xefe Estadu ne’e, ida ne’e sai hanesan risku boot ba demokrasia.

Prezidente Repúblika hato’o kestaun ne’e bainhira ensera konferensia internasional Dili Dialog Forum ne’ebé realiza iha Salaun Katedral Vila Verde, Sesta (10/05).

DILI: Ministériu Públiku rejeita informasaun ne’ebé espalla iha públiku katak deskonfia autór hatama droga, halai sai ona husi Timor-Leste. 

Prokuradór Jerál Repúblika (PJR), José da Costa Ximenes, rejeita informasaun ne’ebé espalla katak arguidu ba kazu hatama droga ho inisiál AXP halai sees ona husi Timor-Leste.

DILI:Prezidente Konsellu Imprensa Virgílio da Silva Guterres husu públiku atu respeita knaar jornalista, nune'e bele garantia informasaun ba públiku ho di'ak.

Virgílio husu tanba dala ruma iha pesoál ka instituisaun estadu nian balun, seidauk komprende servisu jornalista nian, bainhira rekolla informasaun iha terrenu sei mosu dezintedimentu.

DILI:Primeiru Ministru (PM) Taur Matan Ruak felisita jornalista timoroan tomak, liga ho komemorasaun loron Liberdade Imprensa Mundiál ne’ebé monu iha loron 3 fulan Maiu.

‘‘Nu’udar Xefe Governu, hato’o ha’u-nia felisitasaun ba profisionais sira iha loron espesiál ida-ne’e, hodi fó-hanoin hikas katak, imprensa nu’udar mós pilár nasaun nian hodi promove no hametin demokrasia iha sosiedade nia leet’’, hateten Taur iha liu husi komunikadu.

DILI: Bankada FRETILIN iha Parlamentu Nasionál konsidera la merese atu Tribunál Munisipál Dili (TMD) fó medida koasaun termu identidade rezidénsia (TIR) ba suspeitu droga.

DILI: Relasiona ho kazu deskonfia membru Polísia Migrasaun balun halo kobransa ilegál ba sidadaun estranjeiru iha fronteira no Aeroportu Dili, Komandante Jerál Polísia Nasionál Timór-Leste (PNTL), Komisáriu Faustino da Costa, sei foti medida, tanba la tolera hahalok ne’e.

“Ha’u ba enkontru ho sira, ha’u dehan ba sira aktu ida ne’ebé la merese, se iha karik evita sees husi ne'ebá, tanba ha’u sei la tolera ida ne’e, ha’u dehan ona ba sira iha ne'ebá”, tenik nia, hafoin enkontru ho Komandu Unidade Espesiál Polísia (UEP), iha Bairru-Pité, Sesta (12/4).

Atu lee kompletu iha jornal imprime, edisaun segunda (15/4) ou kontaktu direita ba Diresaun Jornal INDEPENDENTE, iha Hudi Laran Dili.....

DILI:Oras ne'e daudaun, Komandu Polísia Nasionál Timor Leste (PNTL) hala’o hela prosesu investigasaun ba membru ne’ebé tiru negosiante ambulante iha tuir lei interna instituisaun nian.

Komandante Jerál PNTL Komisáriu Faustino da Costa hateten, PNTL aprezenta ona kazu ne’e ba Prezidente Repúblika Francisco Guterres Lu Olo.

DILI:Prezidente Repúblika Francisco Guterres Lú Olo husu ba Parlamentu Nasionál no Governu atu kria lei ba reativasaun grupu artemarsiais nu’udar organizasaun desportiva.

Relasiona ho kazu violénsia ne’ebé akontese dadaun ne’ebé envolve membru grupu arte marsiais, Prezidente Repúblika husu atu labele estraga malu no kontribui ba dezenvolvimentu nasaun.