Print this page
Xanana halo protestu hasori SIJK, iha Izolamentu Vera Crus Dili, segunda (12/4). Foto Saturnina da Costa/Independente Xanana halo protestu hasori SIJK, iha Izolamentu Vera Crus Dili, segunda (12/4). Foto Saturnina da Costa/Independente

Xanana Hakarak Mate Isin Haloot Iha Ainaro, Moris Fatin Matebian Featured

DILI:Prosesu haloot matebian Armindo Borges ne’ebé deskonfia mate tanba moras Covid-19, hamosu dezentendimentu ka hamosu pro no kontra.

Eis Presidente Repúblika, Xanana Gusmão, nuudar reprejentante familia matebian, halo intervensaun direita hasoru ekipa konjunta saúde ne’ebé prepara atu lori sai kaixaun mate isin iha izolamentu Vera Crus ba haloot iha Metinaro, semitériu Covid-19.

Xanana impede prosesu haloot matebian ne’e hodi hakilar “Prezensa ha’u nian iha ne’e nuudar sidadun baibain hodi defende lori mate isin atu ba haloot iha nia rai moris fatin Ainaro tanba ne’e ami ho kaixaun kedan no deside lakohi husik Ministériu Saúde lori mate isin ba halot iha Metinaru tanba nia mate laos Covid-19 maibé mate tanba struk”.

Eis Primeiru Ministru ne’e dehan, nia parte respeita teb-tebes kona-ba Governu nia servisu oinsa prevene Covid-19 iha Timor-Leste.

Tanba ne’e, husi nia esforsu ajuda ona estadu hodi sensabiliza Covid-19 iha teritorio nasional atu nune’e povu bele halo tuir regra husi Organizasaun Saude Mundial (WHO) no Ministerio Saúde.

"Ha’u la’os la fiar Covid-19 iha Timor-Leste maibé regra sira ne’e tenke halo lolos, Ha’u simu informasaun husi familia mate-isin katak, katuas mate-isin antes ne’e moras iha uma durante fulan ida ona, tanba bainhira nia ataka tensaun nia struk no nia familia lori kedan ba Hospital Nasional Guido Valadares (HNGV) Dili,”Xanana afirma, segunda ohin (12/4), iha Izolamentu Vera Cruz Dili.

Too iha HNGV, Xanana konta tuir katak, Doutor na’in tolu mak atende dehan matebian ne’e molok mate, ran sai husi tilun no inus, tanba ne’e Doutor sira dehan mate tanba struk laos mate tanba Covid-19.

Nune’e nia husu ba Governu liuhusi Ministériu Saude atu tau regra lolos, se lae povu Timor-Leste sei la fiar tan Covid-19 iha Timor Leste.

Entretantu prezensa Xanana iha Izolameentu ne’e, Diretór Sentru Integradu Jestaun Krize (SIJK) Sala Situasaun, Brigadeiru Jenerál João Miranda “Aluc Descartes” hamutuk ho ekipa mós hakat ba izolamentu Vera Kruz hodi husu atu foti matebian Armindo Borges nia isin mate ba halot iha semitériu Covid-19 iha Metinaru.

Maibé prosesu negosiasaun entre família matebian no Xanana, la hatudu rejultadu di’ak.

Familia matebian ho Xanana Gusmão kontinua la fó fatin ba ekipa saúde atu loris ai matebian ba haloot iha Metinaro.

“Señór Naimori dehan pozitivu, ba tiha Otél hemu tiha tua, lori fila ba uma, nia fen (Berta) di’ak hela, ne’e mak ida-ne’e moras ba mate iha ospitál ne’e mak dehan pozitivu, ne’e mak ha’u iha kaixaun iha ne’ebá atu lori,” dehan Líder Karismátiku ne’e hafoin halo negosiasaun ho Brigadeiru Jenerál Aluc Descartes, Segunda (12/04) iha izolamentu Vera Kruz.

Xanana afirma, mantein de’it iha izolamentu Vera Kruz to’o mate isin dois de’it iha izolamentu laran mós sei la husik no fó fatin ba ekipa saúde atu lori sai.

“Ha’u hein iha ne’e to’o semana ida nia dois iha ne’e ha’u hein iha ne’e. Ha’u hatene saida mak imi (SIJK) sira atu ko’alia dehan katak, teste nia pozitivu,” afirma Xanana.

Fatin hanesan, Brigadeiru Jenerál Aluc Descartes hateten, atu hasai mate isin ne’e sira-nia obrigasaun.

“Hanesan ami iha obrigasaun maun (Xanana) ha’u dehan ba maun (Xanana), se bosok la’ós ami sira-ne’e mak bosok, ami hala’o de’it buat ne’ebé mak fó mai ami,” dehan Brigadeiru Jenerál Aluc.

Entretantu, matebian Armindo Borges ho idade 47, hakotu iis iha Ospitál Nasionál Guido Valadares (HNGV) iha tuku 11 kalan, tanba sofre moras hanesan, struk, ran sai husi tilun, no seluk tan, no deskonfia sofre mós ba Covid-19.

Editor: Jose Sarito Amaral

Read 502 times
Rate this item
(0 votes)