Iha diskusaun ne’e, atualiza kona-bá progresu akordu kolaborasaun ne’ebé halo iha fim tinan kotuk ne’ebé asina entre Woodsite ho Ministériu Petróleu no Rekursu Minerais (MPRM).

“Primeiru-Ministru husu atu aselera projetu ida-ne’e tuir ninia tempu. Iha parte tékniku nian iha atividade barak mak la’o hela,” Julie Fallon hateten iha Palásiu Governu, Segunda (18/05)

Iha tinan 2025, Governu liu-hosi reuniaun estraordinária Konsellu Ministru (KM), delibera hodi fó poder tomak bá Ministru Petróleu no Rekursu Minerál (MPRM), Francisco da Costa Monteiro atu lori Governu nia naran, asina akordu kooperasaun ho Woodside Energy, Ltd bá projetu TLNG  no gazodotu no dezenvolvimentu kampu Greater Sunrise.

Akordu ida-ne'e aliña ho Governu nia esforsu estratéjiku sira atu valoriza rekursu naturál nasionál nian, tuir Planu Estratéjiku Dezenvolvimentu (PED) 2011-2030 nian. No, hatudu pasu importante ida bá avaliasaun téknika, komersiál, no regulatória konjunta kona-bá futuru unidade LNG ida, iha territóriu Timor-Leste.  Negosiasaun sira ne'ebé hala'o hosi MPRM ho Woodside Energy, ne'ebé na'in bá parte hosi kampu Greater Sunrise nian.

Ho desizaun ida-ne'e, Governu avansa iha prosesu implementasaun bá vizaun ida-ne'ebé buka atu reforsa industrializasaun enerjétika nasionál, promove diversifikasaun ekonómika, no garante katak benefísiu hosi rekursu Greater Sunrise nian sei kontribui direta bá dezenvolvimentu nasionál.