×

Atenção

JUser: :_load: Não foi possível carregar usuário com ID: 430

Print this page

Vota Livre Risku Ba Manipulasaun Featured

By Marsu 01, 2018 2492
Sentru votasaun ba eleisaun jeral 2017 Sentru votasaun ba eleisaun jeral 2017

DILI: Comissão Nacional das Eleições (CNE) preokupa tebes bainhira sidadaun timoroan vota livre. Tanba, sistema ne’e bele fó risku boot mosu manipulasaun iha prosesu votasaun, inklui kontajen votu iha rezultadu ikus kada sentru votasaun.

Komisáriu CNE, Alcino Barris dehan, bainhira sidadaun sira atu konkorre iha eleisaun antesipada tenke aprezenta dadus loloos, bainhira fó livre de'it sidadaun sira vota livre mosu manipulasaun.

Nia hateten, kuandu dadus la loos bele akontese partidu balun sei manan ho dadus falsu. Ikus mai sei akontese kazu boot bainhira halo kontajen votu, nune’e mós rekolla dadus iha prosesu eleisaun.

Ita kuandu livre halo ema ida vota dala haat-lima estraga tiha eleisaun no ita hakarak ema ida vota dala ida”, tenik Alcino, iha knaar fatin, Kaikoli-Dili, horisehik.

Nia dehan, polítika no lei orgánika eleitorál tuan ne’e mak oinsá atu kontrola sidadaun ida tenke vota iha unidade jeografia tuir ida-idak nia kartaun eleitorál, nune’e fasil atu kontrola iha prosesu eleisaun bazeia ba lista.

Maibé, komisáriu ne’e mós preokupa ba tinta ho lista, tanba tinta bele hamoos iha oras ida nia laran, nune’e lista mós bele fó oportunidade ba ema balun vota dala haat-lima iha kualkér fatin.

Alcino dehan, atu evita manipulasaun ba dadus no vota, di'ak liu ema ida-idak tenke vota tuir ida-idak nia unidade jeografia.Daudaun ne’e, STAE mós hahú halo resenseamentu ba sidadaun sira atu muda kartaun eleitorál hodi tuir vota iha sentru votasaun ne’ebé besik.

Tanba ne’e, lei orgánika tuan válidu ona tenke kumpre, laiha rezolusaun Governu no dekretu Governu mak intervein, maibé kompeténsia boot iha Parlamentu Nasionál mak halo rezolusaun. Maibé, infelizmente, PN disolve ona, laiha podér ba deputadu sira halo aprovasaun lei ruma.

Antes ne’e, Primeiru Ministru, Mari Alkatiri, sujere atu halo dekretu lei, nune’e husu ba CNE ho STAE atu rekolla dadus hodi fó livre ba sidadaun timoroan sira bainhira vota iha kualkér fatin. 

Rate this item
(0 votes)
Last modified on Kinta, 08 Marsu 2018 14:21

Latest from

Related items