Jogu modaliddae voleibol praia ne'e, Timor-Leste representa husi Miguela Pereira Ximenes Belo no Augosta Belo da Silva, enkuantu Mozanbique reprezenta husi, Alaira Paumen no Machara.
Iha jogu set primeiru, ekipa rua hala'o jogu tuir tatika no abilidade no lansa atake ba malu buka pontu, nune'e bele manan iha set primeiru, nune'e Timor-Leste ne'ebé halo jogu agresivu ho atake estratejiku, maske Mozambique mos mai ho estatejia di'ak, maibe Timor-Leste konsege manan iha set primeiru ho 21-19.
Hakat ba jogu set daruak, Timor-Leste koko hasa’e ritmu jogu liu husi estatejia ne'ebé iha, nune'e bele manan iha jogu ne'e, maibé Mozanbique mai ho nia estatejia hodi dominante, nune'e difikulta Timor-Leste atu hetan pontu, nune'e Mozanbique manan ho pontus 21-12.
Nune'e tuir regulamentu bainhira ekipa rua manan set ida-ida, tenke tama ba set desizaun nian, ne'ebé sei remata bainhira ekipa ida hetan pontus 17 nia mak sei manan.
Entaun, tama ba set ikus ekipa Mozambique konsege domina to'o pontus 14, maibé Timor-Leste foin to'o de'it pontu 3, maibé Ekipa Lafaek la nonok de'it hodi husik Mozanbique atu manan ho sira nia esforsu husi pontu tolu konsege manan iha set ikus ho pontu 17-15 , Nune'e Timor-Leste manan set 2-1
Iha final, Jogadora Voleiból Timor-Leste, Miguela Pereira Ximenes Belo, sente orgullu ho sira nia esforsu, konsege manan iha set ikus ni’an.
“Ami sente orgullu tanba bele rekolla pontu tolu husi Mozambique, tanba ne'e ba oin ami sei hatudu jogu di'ak liu tan,” Dehan nia, ba jornalista INDEPENDENTE, iha Lesidere, Segunda (21/07).
Tanba ne’e, sira iha esperansa sei hatudu jogu ne'ebé di'ak liu tan iha jogu tuir mai konttra Cabo Verde, atu bele oferese medalla ruma ba Timor-Leste.
“Ami iha esperansa ida boot hakarak atu oferese medalla ba ita nia nasaun, tanba jogu ida ne'e ita mak sai hanesan uma-na'in,” Nia promete.
Nune'e mos, Treinadór Voleiból Timor-Leste, Mario Bento Soares hatutan, sira sei hadi’a tan failansu balun ne'ebé mak iha hodi bele to'o final.
“Ita ko'alia kona-ba voleiból praia ne'e, dala-ruma labarik sira hare deit ema nia postur sira, sira nia mentalidade faruk,” Kata nia.
Nia informa, horseik Ekipa lakon, tanba labarik sira lakon ho postur, tanba badak liu hotu, ema nian aas, entaun sira labele halo buat ida.