Print this page

Vasina SINOVAC Dozes Rihun 100 Husi Xina To’o Ona TL Featured

By Saturnina da Costa Juñu 05, 2021 413
Aviaun MY JET EXPRESS ho marka 9l-NTY Voo ne’ebé aluga husi World Food Programme (WFP) tula vasina SINOVAC mai TL. foto: Independente. Aviaun MY JET EXPRESS ho marka 9l-NTY Voo ne’ebé aluga husi World Food Programme (WFP) tula vasina SINOVAC mai TL. foto: Independente.

DILI:Vasina SINOVAC dozes rihun 100 ne’ebé apoiu husi Governu Xina, ohin (05/06) to’o ona iha Timor-Leste.

Vasina SINOVAC ne’e tula husi aviaun MY JET EXPRESS ho marka 9l-NTY Voo ne’ebé aluga husi World Food Programme (WFP).

Apoiu ne’e hanesan komprimisu ida ne’ebé iha fulan-Abril liubá, Primeiru Ministru Taur Matan Ruak hato’o pedidu formal  ida ba nia ómologu Australianu, Scott Morrison no Xinés, Li Keqiang atu apoiu vasina ba populasaun sira hodi bele kompleta pursentu 20 ne’ebé Governu hetan husi COVAX Fasility, atu vasina ba populasaun hodi evita moras grave ka ospitalizasaun tanba Covid-19.

Pedidu ne’e hetan resposta pozitivu husi Governu nasaun rua nian, Austrália haruka ona besik dozes rihun 70 vasina AstraZeneca.

Nune’e  ohin  (05/06) vasina SINOVAC faze dahuluk  hosi Xina mós to’o tan mai.

Embaixador Xina iha Timor-Leste, Xiao Jiangou hatete, hanesan nasaun parseiru hakarak apoiu povu Timor-Leste hodi kombate moras Covid-19.

“Ha’u kontente tanba apoiu vasina SINOVAC rihun 100 bele to’o ona mai, tanba ne’e ita sei intrega ba autoridade sira atu fó vasina ba populasaun sira,”dehan nia iha Aeroportu Intenasional Nikolau Lobato Comoro, Dili, sabado ohin.

Vise-Primeiru Ministru hanesan mós Ministra MSSI, Armanda Berta, lori Governu nia naran hato’o agradese ba Governu Xina tanba bele apoiu ona Governu liu husi vasina SINOVAC.

Entretantu, Ministra Saúde Odete Maria Freitas Belo hatete, vasina SINOVAC ne’e sei prioridade liu ba estudante no universidade sira ne’ebé ho idade 18.

 

Asistente Editor: Saturnina da Costa

Rate this item
(0 votes)