Print this page

Teste Laboratóriu COVID-19 Iha Kakorok no Inus Featured

By Jacinto Xavier Abril 18, 2020 2584
Ekipa mediku laboratoriu nasional. Foto esp. Ekipa mediku laboratoriu nasional. Foto esp.

DILI: Sala Situasaun Sentru Integradu Jestaun Krize (SIJK), informa ba públiku katak, prosesu foti amostra suspeitu Corona Virus (COVID-19), nian ba teste iha laboratóriu ne’e la’ós foti husi rán, maibé foti husi agua parente (Cairan), iha kakorok no inus.

Tuir Portavoz SIJK Sergio Lobo hateten, SIJK hakarak halo klarifikasaun relasiona ho gravasaun ne’ebé maka públika dehan katak, sira ne’ebé sai pozitivu ne’e la moras, tanba la hatudu sintomas ruma no parte saúde sira la hasai rán hodi ba koko iha laboratóriu.

Sergio dehan, faktus ne’ebé sira hatudu ne’e loos duni, maibé interpretasaun ba faktus ne’e maka sala. Sira ne’ebé iha Hotel Katuas ne’e mediku sira hasai hotu sira nia sampel ba teste iha laboratóriu, tanba ema balun konfirmadu pozitivu.

“Ita foti sampel ba halo teste laboratóiu ne’e la’os hasai rán, maibé husi aswab ka agua parente, foti husi kakorok ka inus,”dehan nia, liu husi konferensia imprsa, iha CCD, ohin.

Eis Ministru Saúde ne’e infroma, ema balun la hatudu sintomas ruma maibé sai pozitivu ne’e loos duni, ema bolu dehan Asintomatiku ne’e to’o pursentu 80 maka la hatudu sintomas maibé ema ne’e konfirmadu.

Iha kazu balun hatudu konfirmadu ona maibé ho kondisaun lijeiru hatudu de’it mear ka inus been bai-bain de’it entaun labele nota, tanba ne’e mediku sira halo teste hotu ba ema sira hamutuk iha Hotel Katuas atu bele identifika.

Iha fatin hanesan Portavoz SIJK, Rui Maria de Araujo esplika, maske ema la hatudu sintomas maibe virus ne'e iha nia laran ona, entaun bainhira nia kontaktu ho ema seluk virus sei da'et entaun hakarak ka lakohi balun sei hamosu sintomas, husi ne'e ekipa epidemolojika sira sei buka tuir.

Ema efetadu COVID-19 la hatudu sitomas tanba ema nia imunidade ne'e diak hela hodi rejiste hasoru virus ne'e.

Entertantu Rui reforsa, sidadaun nain 17 iha ona sala izolamenru ne'e loos duni katak sira la hemu aimoruk, maibe haruka sira deskansa barak, fo hahan nutritivu atu nune'e sira bele iha uminidade diak hodi kombate virus ne'e.

Rate this item
(0 votes)