"Ne'e Empreza sira nia tékniku seidauk mai até a data atu bele Instala bee atu koloka ba Hospitál lahane,"dehan Ministra Élia dos Reis Amaral, hato’o asuntu ida ne’e ba Jornalista sira iha Palásiu Govenu, Kuarta(18/03).

Nia dehan, kona-ba preokupasaun husi Bankada FRETILIN ba iha mákina fase raan ne'e parte klíniku hatan ona.

"Kona ba prekupasaun husi Bankada FRETILIN ne'e, Hanoin ohin sira klínika responde ona," nia dehan.

Molok ne'e Ministra Saúde Élia dos Reis, hatete, mákina ne'e atu ajuda Governu no ida-ne'e importante tebes tanba mákina fase raan sira neʼebé iha HNGV iha daudaun ne'e uza tinan naruk ona, tanba sosa hahú husi 2015 no tuirmai iha 2018.

"Ohin simbolikamente no entrega akompaña señora Clarisa Lay, restu ita sei prepara fatin. Ekipa ida sei mai husi Xina bá halo instalasaun no fó treinamentu molok utiliza," tenik Élia.

Iha fatin hanesan Reprezentante Empreza WEGo husi Xina, Clarisa Lay, infoma hanesan emprezária timoroan iha inisiativa apoia Governu tanba haree difikuldade ne'ebé iha.

"Importante mak bele kolabora di'ak ho ita-nia parseiru sira husi li'ur. Apoiu ne'e gratuita 100%, tanba kompañia ne'e mós fulan tolu liubá mai vizita ospitál, haree duni katak ita presiza aumenta duni mákina fase raan," tenik nia.

Apoiu sira ne'e fó tanba antes ne'e empreza Wego mós mai vizita Timor-Leste no hasoru malu ho Ministra Saúde no promote atu tulun Timor-Leste ho mákina fase raan.

"Sira mós husu atu apoia ita, se ita mós bele fó ita-nia ema tékniku 30 kada tinan bá iha Xina hodi tuir treinamentu,"nia Konklui.