Implementasaun serka sanitária iha Munisipiu hirak ne’e, relasiona ho kazu Covid-19 hahú daet mós ba munisipiu sira, ho posivelmente tama ona kategoria trasmisaun komunitaria.

Númeru kazu Covid-19 kada loron aumenta. Tuir dadus jerál, kuarta (28/4) kazu konfirmadu hamutuk na’in 1104, ho maioria sintomatiku.

Tuir Prezidensia Konsellu Ministru, Fidelis Leite Magalhães hatete, impozisaun serka sanitária iha munisípiu Lautém, Likisá, Manufahi, entre oras 00:00 iha loron 30 fulan-abril tinan 2021 no tuku 23:59 loron 16 fulan-maiu tinan 2021.

Nune’e, bandu sirkulasaun ema nian entre munisípiu ne’e ho sirkunskrisaun administrativa sira-seluk, exetu iha kazu sira ho fundamentu forte tanba razaun seguransa públika, saúde públika, asisténsia umanitária, manutensaun husi sistema abastesimentu públiku, ka razaun seluk ne’ebé presiza atu hala’o ba interese públiku nian.

Molok ne’e Governu implementa ona impozisaun serka sanitaria no konfimanentu obrigatoriu iha Munisipiu Dili, Baucau, Vikeke, Ermera no Ainaro, maibé suspende hikás konfinamentu obrigatóriu hafoin Timor-Leste hetan dezastre natural iha loron 4 fulan-Abril 2021.

Númeru kazu Covid-19 kada loron aumenta. Tuir dadus jerál, kuarta (28/4) kazu konfirmadu hamutuk na’in 1104, ho maioria sintomatiku

Jornalista: Saturnina da Costa

Editor: Jose Sarito Amaral