Ministru Koordenador Asuntu Ekonomika interinu Fidelis Leite Magalhaes hatete, daudaun ne'e governu sei husik komunidade atu bele ba sosa aihan iha loza no supermekadu, maibé sei iha posibilidade atu hasai medidas ne'ebé forte liu tan bainhira presiza.

“Medidas ne’e dadaun halo operasional aumenta neneik-neneik ba bebeik, banihira medida parte saude husu aperta liu tan ne’e taka total atividade hotu,” dehan Ministru Fidelis iha salaun TradeInvest, Kolmera, Segunda (30/03).

Fidelis dehan, estadu emerjensia ne'ebé la'o daudauk ne'e laos hanesan emerjenia inundasaun, estadu emerjensia ida ne’e halo faze ba faze.

Ba daudauk ne'e, nia hatutan, maske estadu emerjensia maibé loza sira funsiona nafatin hanesan baibain. Maibé, nia hatutan, importante mós atu loza no supermerkadu sira tenke kumpre regras ne'ebé governu fó sai ona. “Loja funsiona babain, importante fase liman, implementa regra sira ho rigor, labele hobur malu, loja laran, loja ninin, labele lao grupu grupu, tabalhador sira tenke tau maskra,” dehan nia.