Print this page
Inundasaun iha Dili. Foto:Independente Inundasaun iha Dili. Foto:Independente

SEPS Husu Komunidade Labele Konstrui Tan Uma Iha Foho Lolon Featured

DILI:Sekretariu Estadu Protesaun Sivil (SEPS), Joaquim Gusmão husu ba komunidade sira iha kapital Dili no Munisipiu sira atu labele halo tan uma iha fatin ne’ebé risku, hanesan foho lolon, tasi ibun no mota ninin.

SEPS apela assuntu ne’e, relasiona ho inundasaun ne’ebé akontese kada tinan no tinan ida ne’e hamosu inundasaun boot impaktu husi udan no anin boot hamate abintante no uma hetan estragus.

"Inudasaun ne’e ita hotu-hotu sai vitima maibé vitima ho vitima mak ajuda malu iha tempu defisil ida ne’e. Tanba ne’e (hodi Governu nia naran) ha’u hakarak apela ba vitima sira, komesa ohin ba ohin bele hamoos fali tahu sira iha imi nia uma fatin atu nune’e Governu bele foti dadus kompletu no bele fasilita vitima sira nia uma ka halo konstrusaun ba uma foun tuir kapasidade finanseiru Governu,”dehan Joaquim.

Aleinde ne’e, Timor-Leste mós hetan apoiu husi nasaun sira seluk hodi responde vitima sira husi inundasaun impaktu husi udan no anin boot foin lalais ne’e.

Tuir dadus provizoriu husi Sekretaria Estadu Protesaun Sivil (SEPS) relata katak, inundasaun impaktu husi udan no anin boot iha loron 3-4 fulan-Abril 2021 ne’e rejulta ema na’in 42 mak mate (lakon sira nia vida) no estraga uma rihun 10, ne’ebé daudaun ne’e alojadu iha sentru akollimentu ne’ebé espalla iha sidade. Bee-sa’e ne’e provoka ema 42 maka mate, 22 husi Dili, 10 iha Ainaro, 5 iha Manatutu, na’in 3 iha Vikeke no na’in 2 iha Aileu.Entretantu, dadus familia uma kain hamutuk 2,375, ho total ema 9,779,  husi Munisipiu Dili maka hela iha sentru evakuasaun 18.

Entretantu Parlamentu NasionalGovernu mos halo ona audensia ho Governu liuhusi ministeriu sira, sesta ohin (9/4) kona-ba orsamentu retifikativu ho montante kuaze hamutuk millaun $223 hodi atende situasaun emerjensia iha ambitu surtu Covid-19 no inundasaun iha Timor-Leste.

 

Jornalista:Camilio de Sousa

Editor:Jose Sarito Amaral

Read 2062 times
Rate this item
(0 votes)