“Parlamentu ASEAB nian sei nakloke ba Timor-Leste iha Asembleia Jeral AIPA ba dala-47 iha Manila iha loron 16 to’o 22 fulan novembru tinan ne’e. hau atualiza mos assuntu ne’e ba Primeiru Ministru,” afirma Chen Widhya hateten hafoin hasoru-malu ho Primeiru-Ministru (PM), Kay Rala Xanana Gusmão, iha Palásiu Governu, segunda (25/05).

Prezensa sekretariadu AIPA nian iha TL atu introdúz mós bá ezekutivu Timor-Leste nian no  iha segunda-dadeer hala’o ona iha Parlamentu Nasionál hodi apoia preparasaun Timor-Leste nia adezaun tomak.

Nia vizita ne’e liga mós ho atividade “AIPA Roadshow” ne’ebé hala’o hamutuk ho Parlamentu Nasionál no Universidade Nacional Timor Lorosa'e (UNTL), ho tema “From Accession to Integration: Timor-Leste’s Journey in Bridging People through Parliamentary Diplomacy”.

Entretantu, liu-hosi vizita ne’e, AIPA hakarak fó apoiu bá Timor-Leste nia preparasaun atu tama tomak bá ASEAN; hametin kooperasaun entre Parlamentu Timor-Leste ho Parlamentu ASEAN sira; promove diplomasia Parlamentár; involve juventude no akadémiku sira atu komprende papél ASEAN no AIPA; prepara Timor-Leste bá partisipasaun ativu iha mekanizmu rejionál sira, inklui prezidénsia ASEAN iha futuru.