Tuir Carmona, sidadaun sira bele ezerse sira-nia direitu ba manifestasaun maibé tenke ordenadu no labele liu limite legál sira.

"EUTL halo manifestasaun pasifiku ne'e sira-nia direitu, agora nusa mak ita bele bandu, agora Timor ne'e nasaun liberdade, demokrátiku, maibé labele liberdade liu, nia iha limitasaun," dehan Carmona ba jornalista sira hafoin enkontru ho Prezidente Repúblika, José Ramos Horta, iha Palásiu Prezidensiál Bairu-Pite, Segunda (15/12).

Carmona afirma katak TR labele fó komentariu kona-ba kazu ninia substansia tanba prosesu ne’e sei lao.

Tuir nia, kazu ne’e distribui ona ba juiz sira no daudauk ne’e sei halo prosesu.

"Tanba ne'e ita hein, ha'u labele komentáriu, se la'e imi dehan Prezidente Tribunál Rekursu nia mak halo buat sira ne'e, la'ós, buat ne'e regra, ita tenke tuir nia prosesual. Ha'u prontu hasoru konsikuensia oioin. Importante nia prosesu la'o tuir dalan, ida ne'e mak ha'u atu hatete, imi hein uitoan tanba prosesu Parlamentu Nasionál deside, agora mosu fali husi Provedór Direitus Humanus no Justisa, entaun imi ba husu iha ne'eba, labele husu ha'u. Agora husi ha'u nia mak prosesu la'o hela, ha'u labele komentáriu," katak nia.//

Hakarak lee notisias kompletu, asesu deit link e-paper INDEPENDENTE: https://digital.independente.tl, iha edisaun Tersa (16/12/25).