Reprezentante Seguransa Sivil, Vidal da Silva informa, sira-nia parte hala’o ona sira-nia dever, maibé sira seidauk hetan sira-nia direitu.

"Ami-nia osan transporte fulan rua ho alimentar fulan ida la tama, ne'ebé ami hato'o ba Ministériu Interior atu haree ida ne'e,tanba ida ne'e ami-nia direitu. Agora ami hala'o tiha ami-nia dever maibé ami-nia direitu laiha ne'e oinsá," dehan nia iha Palásiu Governu, Kinta (18/12).

Tuir nia, tama ona ba fulan ikus tinan 2025, nune’e bainhira fulan ne'e remata Orsamentu Jerál Estadu (OJE) 2025 ne'ebé la gasta hotu sei fila fali ba kofre estadu. Tanba ne'e husu ba Ministériu Interior atu rezolve sira-nia problema ida ne'e.

"Tanba aprova orsamentu ne'e tinan ida dala ida, nusa osan la to'o, entaun osan ne'e ba ne'ebé. Ne'ebé ami hakarak Ministériu Interior atu haree ba ami-nia problema ida ne'e," nia afirma.

Hakarak lee notisias kompletu, asesu deit pajina ka link e-paper INDEPENDENTE: https://digital.independente.tl, edisaun sesta (19/12/25).