Sentru formasaun ne'e Konstrui husi Sentru Nasionál Formasaun Profisionál (SNFP) Becora,  ne'ebé finansial husi Sekretaria Estadu ba Formasaun Profisionál no Empregu (SEFOPE).

Iha diskursu, Sekretáriu Estadu hatete,  objetivu husi kontrusaun ba sentru formasaun iha Munisípiu  Bobonaro, tanba demanda merkadu  traballu  presiza tebes traballadór  barak ne'ebé mai ho kapasidade  ne'ebé diak.

"Ita Estabelese sentru formasaun iha Munisípiu  Bobonaro, razaun tanbá programa mobilidade laboral ba nasaun Austrália, Nova Zelândia, Korea no Japaun,  barak tebes ne'ebé mai ho kualidade, sentru formasaun ida ne'e ba ita nia joven sira ne'ebé mak kbiit naton hakarak deit iha Munisípiu," dehan Sekretáriu Estadu  iha serimònia  inaugurasaun  Sentru formasaun iha Munisípiu  Bobonaro.

Sekretáriu Estadu mòs husu ba Diretor  SEFOPE, Diresaun Munisípiu Bobonaro, atu kuidadu  fatin ida ne'e ho diak, atu nune'e fati bele uza ba tinan naruk ho kondisaun  ne'ebé diak.

"Hau husu ba Diretor SEFOPE munisipiu Bobonaro, atu kuidadu fatin ne'ebé ita prepara no mòs formadór  sira ne'ebé mak ita destaka iha Munisipiu ida ne'e," tenik Sekretáriu Estadu.

Aliende  ne'e, Sekretáriu Estadu  mós hato'o, agradese ba Sentru Nasionál Formasaun Profisionál Becora ne'e mak responsabiliza obra ida ne'e ho diak, sei kontinua obra seluk iha futuru.

“Agradese ba diretor SNFP, konfissan ne'ebé  ita  fo esperansa, Ita boot sira nia obra parte SEFOPE presiza tebes iha future,” Nia agradese.