“Timor-Leste ho Rúsia konkorda ona atu estabele akordu protokolár ida depois define atividade saida-saida de'it mak atu halo,” dehan nia, iha Ministeriu Defeza, Fatuhada, tersa (17/03).

Nia esplika, akordu kooperasaun ne'ebe Timor-Leste ho Rúsia estabelese mak iha bilaterál dominiu defeza no multilaterál inklui kooperasaun ba ASEAN.

“Primeiru ami sei halo akordu protukular bolu akordu embrela para depois define saida saida konstitui interese ita-nia Timor-Leste ho Rúsia ne'e bele halo hamutuk, depois define atividade saida de'it mak Rúsia bele halo Timor no Timor-Leste bele halo ho Rúsia iha ambitu rua ida bilaterál ida multilateral,” dehan Klamar Fuik.

Nia hatutan, mundu la'o tuir nia lalaok, maibé rai hothotu ida-idak ho nia prinsipiu ne'ebé bele partilla.

Nia dehan, prinsipiu ba direitu internasionál, prinsipiu ba direitu umanu prinsipiu ne'ebé valoriza nasaun soberana sira rai ki'ik ka rai boot iha direitu hanesan rai riku ka rai kiak hothotu lian hanesan.

“Tanba ne'e mak Rúsia rai boot rai pontensia ida nian mai iha ita-nia rai ne'e, tanba ne'e hakarak metin hamutuk ho ita, hametin  ita-nia kooperasaun baze kooperasaun ne'ebé solidaridade ne'ebé sira iha ho ita. Dezde uluk iha ho ita no agora ba dezenvolvimentu nasionál ein partikular dezenvolvitiha área da defeza,” tenik Klamar Fuik.

Nune’e, Embaixador Rúsia ba Timor-Leste, Segei Gennadievich, hatoo obrigadu ba Ministru Defeza Timor-Leste ne'ebé bele simu hodi halo enkontru diskute kona-ba kooperasaun bilaterál  ne'ebé la'o di'ak tebtebes.

Nia dehan, Timor-Leste nu’udar amigo di'ak Rúsia nia dezde 19975 ne'ebé sempre suporta Timor-Leste iha situasaun difisil.

“Tanba ne'e ohin ami atu kontinua promove kooperasaun ne'e ho Timor-Leste iha área kooperadsun militár no kooperasaun iha área teknika. Ami mos diskute kona-ba kestaun balun tan ne'ebé ami hamutuk atu halo kooperasaun,” dehan nia.

Diplomata Rúsia ne'e hateten, iha okaziaun ne'e mos ko'alia kona-ba situasaun jeopolitika mundiál ne'ebé akontese turbulensia ne'ebé nakonu ho problema.

“Maske nune'e ho okaziaun ne'e ami ko'alia hodi kontinua promove relasaun bilitarál ba independensia, igualudade, sobernia no determinasaun no labele iha intervensaun”, nia dehan.