PM Taur dehan, iha ona Lei Arma Branka tanba ne’e governu deside hodi revoga rezolusaun bandu arte-marsiál hodi aplika lei ne’ebé iha.

Entretantu, iha Parlamentu Nasionál Deputadu Bankada (CNRT), Patrocínio Fernandes, re-ativa arte-marsiál ne’e iha razaun ruma, tanba lei númeru 5/2017 kona-ba arma branka nian ko’alia kona-ba arte-marsiál.

Nune’e, Deputadu Bankada FRETILIN, Joaquim dos Santos hateten, re-ativa arte-marsiál ne’e di’ak tebes, tanba uluk iha tendénsia ba arte-marsiál, maibé buat ne'ebé uluk halo ona labele kontinua tanba arte-marsiál ne’e relasiona ho sidadaun joven sira-nia direitu.

Nia dehan, arte-marsiál ne’e la'ós tendénsia ba negativu maibé, oinsá atu muda komportamentu. Tanba ne’e, sei governu iha polítika di’ak liu hola atitude sira ho lei, hodi nune’e arte-marsiál bele kontribui iha dezenvolvimentu Nasionál.