Print this page

PR Lú Olo Dekreta Extensaun EE Ba Datoluk Featured

By Maiu 27, 2020 2518
Dekretu PR ba deklarasaun Estadu Emerjensia ba periodu datoluk. Dekretu PR ba deklarasaun Estadu Emerjensia ba periodu datoluk.

DILI:Presidente Repúblika Fransisco Guterres Lú Olo dekreta ona kontinuidade aplikasaun Estadu Emerjénsia ba periodu datoluk durante loron tolu nulu (loron 30).

Xefe Estadu dekreta extensaun Estadu Emerjénsia ne’e hafoin Parlamentu Nasionál aprova no autoriza ho votus afavor 40, kontra 1, abstensaun 0, deputadu 24 auzente iha debate extensaun Estadu Emerjénsia, kuarta ohin (27/5).

Dekretu Prezidente Repúblika (PR) nian ne’e ofesialmente publika tiha ona iha Jornal da Repúblika ho númeru 35/2020.

Renovasaun ba deklarasaun Estadu Emerjénsia ba teritóriu nasionál tomak, tuir artigu 85, alinea g, husi Konstituisaun RDTL, hahú husi 28 Maiu too 26 Juñu 2020.

Deklarasaun Estadu Emerjénsia ba periodu datoluk ne’e suspende direitu sidadaun tolu, mak hanesan sirkulasaun internasionál, liberdade sirkulasaun no hili hela fatin iha teritóriu nasionál inklui direitu ba resistensia.

Extensaun Estadu Emerjénsia ba periodu datoluk, sei lao iha loron aban, oras 00:00 loron 28 fulan-Maiu 2020 to'o oras 23:59 loron 26 fulan-Juñu 2020.

Rate this item
(0 votes)
Jose Sarito Amaral

Latest from Jose Sarito Amaral